ەلىمىزدە فيلمنىڭ ءتۇپ نۇسقاسىن مىندەتتى تۇردە قازاق تىلىندە دۋبلياجداۋ تالابى ەنگىزىلمەك

بۇل تۋرالى قازاقپارات م س م سىلتەمە جاساپ حابارلايدى.

مادەنيەت جانە سپورت مينيسترلىگى Nur Otan پارتياسىنىڭ سايلاۋالدى باعدارلاماسىن ورىنداۋ جونىندەگى جول كارتاسىن ىسكە اسىرۋ ماقساتىندا «كينەماتوگرافيا تۋرالى» زاڭعا وزگەرىستەر ەنگىزۋدى جوسپارلاپ وتىر.

زاڭ جوباسىنا تۇزەتۋلەر مىندەتتى دۋبلياج نەمەسە فيلمنىڭ قازاق تىلىندەگى ءتۇپ نۇسقاسىن تالاپ ەتۋگە باعىتتالعان. سونداي-اق، سوزدەردىڭ ورفوگرافيالىق نورمالارى مەن ءتارتىبىنىڭ ساقتالۋىن، ولاردىڭ دۇرىس قۇراستىرىلۋى مەن ايتىلۋىن قامتاماسىز ەتۋ ءۇشىن ءتيىستى نورمالار قابىلداندى.

قازىرگى ۋاقىتتا مۇددەلى ورگاندار، قوعامدىق ۇيىمدار وكىلدەرىنەن جانە كينەماتوگرافيا قايراتكەرلەرىنەن جاساقتالعان جۇمىس توبى قۇرىلدى.

بۇگىندە جۇمىس توبى 10 نان استام وتىرىس وتكىزدى. وندا كينەماتوگرافيانىڭ كينوكوميسسيالاردى قۇرۋ تەتىگى، فيلمدەردى قازاق تىلىنە دۋبلياجداۋ بولىگىندەگى وزەكتى ماسەلەلەر تالقىلاندى.

ورىندالۋى الداعى ۋاقىتتا دا جوبالىق كەڭسە ارقىلى قاداعالانادى.

ايتا كەتەيىك، بۇگىنگى تاڭدا قازاق تىلىندەگى 35 تەن استام فيلم پروكاتقا شىعىپ، دەمەۋشىلەر 1,4 ميلليارد تەڭگە ءبولدى. زاڭ جوباسى ۇكىمەتتە بيىل قازان ايىندا قارالادى.

سودان كەيىن ول جەلتوقساندا پارلامەنت ءماجىلىسىنىڭ قاراۋىنا جىبەرىلەدى. جول كارتاسىنا سايكەس 2022-جىلى زاڭدى قابىلداۋ جوسپارلانىپ وتىر.