19:51, 16 - قىركۇيەك 2021 | GMT +6
ەلوردا پوليتسياسى قالادان شىعاتىن جولدارعا بلوكپوستار نەگە قويىلعانىن ءتۇسىندىردى
نۇر-سۇلتان. قازاقپارات - نۇر-سۇلتان قالاسى پوليتسيا دەپارتامەنتىنىڭ باسپا ءسوز قىزمەتى اسا اۋىر قىلمىس جاسادى دەگەن كۇدىكپەن ءبىر ازاماتتىڭ ۇستالعانىن ءمالىم ەتتى، دەپ حابارلايدى قازاقپارات ءتىلشىسى.
«بۇگىن، 16 - قىركۇيەكتە ەلوردا اۋماعىندا اسا اۋىر قىلمىس جاسالدى. وسىعان بايلانىستى كۇدىكتىنى ۇستاۋ ءۇشىن نۇر-سۇلتان قالاسى پوليتسيا دەپارتامەنتىنىڭ جەكە قۇرامى جۇمىلدىرىلدى. قالادان شىعا بەرىستەرگە بلوكبەكەتتەر قويىلىپ، «ۇستاپ الۋ» جوسپارى جاريالاندى. قازىرگى ۋاقىتتا كۇدىكتى ۇستالدى. تەرگەۋ امالدارى جۇرگىزىلىپ جاتىر»، - دەپ جازىلعان پوليتسيا دەپارتامەنتىنىڭ باسپا ءسوز قىزمەتى تاراتقان مالىمەتتە.