اسقار مامين الماتى قالاسىنىڭ ينفراقۇرىلىمدىق دامۋىن تەكسەردى

بۇل تۋرالى قازاقپارات ۇكىمەتتىڭ سايتىنا سىلتەمە جاساپ حابارلايدى.

ۇكىمەت باسشىسى «ايۋساي» جانە «اقساي» سەل ۇستايتىن بوگەتتەرىنىڭ، «قارعالى» سۋ تارتۋ قۇرىلىسىنىڭ سالىنۋ بارىسىمەن، سونداي- اق اقساي، ۇلكەن جانە كىشى الماتى وزەندەرىنىڭ باسسەيندەرىندەگى مورەنالىق كولدەردىڭ جاي- كۇيىمەن تانىستى.

سەل بوگەيتىن «ايۋساي» جانە «اقساي» بوگەتتەرىن سالۋ ىلە الاتاۋى ۇلتتىق تابيعي پاركىنىڭ ءبىر بولىگىن، الماتى گەس كاسكادىنىڭ وبەكتىلەرىن، الماتى قالاسىنىڭ اۆتوجولىن - «الما اراسان» ساناتورييىن، الماتى قالاسىنىڭ ناۋرىزباي اۋدانىن سەل تاسقىنىنان ينجەنەرلىك قورعاۋدى قامتاماسىز ەتەدى. ا. مامين بوگەتتەردىڭ قۇرىلىسىن بەلگىلەنگەن مەرزىمدە - «ايۋساي» بوگەتىنىڭ قۇرىلىسىن 2022 -جىلعى قازان ايىندا، «اقساي» بوگەتىنىڭ قۇرىلىسىن 2023 -جىلى اياقتاۋدى تاپسىردى.

الماتىداعى 2-ج ە و- نى ارالاۋ كەزىندە «سامۇرىق- قازىنا» ا ق باسقارما ءتوراعاسى الماسادام ساتقالييەۆ پرەمەر- مينيسترگە مەگاپوليستە كورسەتىلگەن ءىرى جىلۋ ەلەكتر ستانسياسىن، سونداي- اق الماتى ەنەرگيا كەشەنىنىڭ باسقا دا نىساندارىن جاڭعىرتۋ جوبالارىنىڭ ىسكە اسىرىلۋ بارىسى تۋرالى باياندادى.

اتالعان جوبالاردى ىسكە اسىرۋ اتموسفەراعا زياندى زاتتاردىڭ شىعارىندىلارىن جىلىنا 50,4 مىڭنان 6,7 مىڭ تونناعا دەيىن تومەندەتۋ ارقىلى قورشاعان ورتاعا اسەردى بارىنشا ازايتۋعا، سونداي- اق ستانسيالاردىڭ جيىنتىق قۋاتىن 472 م ۆ ت- قا - 1300 م ۆ ت- قا دەيىن ۇلعايتۋعا مۇمكىندىك بەرەدى.

الماتى قالاسىنىڭ يندۋستريالىق ايماعىندا پرەمەر- مينيستر «بيجان ەت وڭدەۋ زاۋىتى» ج ش س- دا بولدى. شۇجىق ونىمدەرىن تولىق ءوندىرۋ سيكلىن قامتىعان كاسىپورىن تاۋلىگىنە 5,5 توننا ءونىم شىعارادى.

ۇكىمەت باسشىسى سونداي- اق «ك س م تەحنوۆيد» ج ش س ەنەرگيا ءتيىمدى ساۋلەت قاسبەتتەرىن شىعاراتىن زاۋىتتىڭ جۇمىسىمەن تانىستى. كاسىپورىننىڭ قۋاتى جىلىنا 475 مىڭ شارشى مەتر ەنەرگيا ۇنەمدەيتىن پۆح جانە اليۋمينيي پروفيلدى كونسترۋكتسيالاردى قۇرايدى. زاۋىت ءۇشىن زاماناۋي اۆتوماتتاندىرىلعان جابدىق «ونەركاسىپتى دامىتۋ قورى» ا ق ارقىلى ليزينگتىك قارجىلاندىرۋ شەڭبەرىندە ساتىپ الىندى.

پرەمەر- مينيسترگە «شىمبۇلاق» تاۋ شاڭعىسى كۋرورتىن، «ايۋساي» جانە «گورەلنيك» ۆيزيت- ورتالىقتارىن ارالاۋ بارىسىندا الماتى قالاسىندا تۋريزمدى دامىتۋ جانە تاۋلاردا تۋريستەردىڭ قاۋىپسىزدىگىن قامتاماسىز ەتۋ جونىندەگى شارالار تۋرالى باياندالدى.

وسى جىلدىڭ 7 ايىندا مەگاپوليستىڭ تۋريزم سالاسىنا سالىنعان ينۆەستيتسيالار 56,8 ميلليارد تەڭگەنى قۇرادى، بۇل وتكەن جىلدىڭ سايكەس كەزەڭىندەگى كورسەتكىشتەن 2,4 ەسە كوپ. قالانىڭ تۋريستىك ينفراقۇرىلىمىن دامىتۋ بويىنشا جوبالار - قوناق ۇيلەر، گلەمپينگتىك جانە كەمپينگتىك ايماقتار، تاۋلاردا ۆيزيت- ورتالىقتار سالۋ، تاۋ جولدارىن اباتتاندىرۋ جانە ت. ب. ىسكە اسىرىلۋدا.

ۇكىمەت باسشىسى ش. ايمانوۆ اتىنداعى «قازاقفيلم» ا ق كينوستۋدياسىن قايتا قۇرۋ جوباسىمەن، سونداي- اق الماتى قالاسىنداعى 350 توسەك- ورىندىق ستاتسيونارى بار ق ر دەنساۋلىق ساقتاۋ مينيسترلىگىنىڭ ۇلتتىق جۇقپالى اۋرۋلار عىلىمي ورتالىعىنىڭ، «جاس قانات» شاعىن اۋدانىنداعى جالپى اۋدانى 233 مىڭ شارشى مەتر بولاتىن كوپپاتەرلى تۇرعىن ۇيلەردىڭ قۇرىلىس بارىسىمەن تانىستى.

ساپارعا الماتى قالاسىنىڭ اكىمى باقىتجان ساعىنتايەۆ، توتەنشە جاعدايلار ءمينيسترى يۋريي يلين، يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ، ەنەرگەتيكا ءمينيسترى ماعزۇم مىرزاعاليەۆ، ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ، دەنساۋلىق ساقتاۋ ءمينيسترى الەكسەي سوي، مادەنيەت جانە سپورت ۆيتسە- ءمينيسترى عابيدوللا ءابدىراحىموۆ جانە ت. ب. قاتىستى.