موڭعوليا پرەزيدەنتى قازاق تىلىندە ۇستازدار دايارلايتىن فاكۋلتەت اشۋ تۋرالى ايتتى - شەتەلدەگى قازاق ءتىلدى ب ا ق- قا شولۋ

None
None
نۇر-سۇلتان. قازاقپارات - «قازاقپارات» ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

موڭعوليا پرەزيدەنتى موڭعول-قازاق تىلىندە ۇستازدار دايارلايتىن فاكۋلتەت اشۋ تۋرالى ايتتى - KAZNEWS

موڭعوليا پرەزيدەنتى ۋحنااگيين ءحۇرەلسۇح ۇلتتىق ءتىل ساياساتى كەڭەسىنىڭ ءتوراعاسى س. دۋلام جانە كەڭەستىڭ ءبىرقاتار مۇشەلەرىن قابىلدادى، دەپ جازادى موڭعوليانىڭ Kaznews اقپاراتتىق پورتالى.

«س. دۋلام باستاعان كەڭەس مۇشەلەرى پرەزيدەنتكە موڭعول ءتىلىنىڭ ەملە سوزدىگى، ەتنوگرافيالىق ءتىل، ديالەكتىك زەرتتەۋلەر، تەرمينولوگيا، تاسقا جازباشا جازىلعان مادەني مۇرانى قورعاۋ، موڭعول جازۋىنىڭ حالىقارالىق ستاندارتتىق كود جۇيەسىن قالىپتاستىرۋ جانە موڭعول ءتىلىنىڭ ۇلتتىق باعدارلاماسى اياسىندا جاسالىپ جاتقان جۇمىستار تۋرالى تانىستىردى. كەزدەسۋ بارىسىندا ەل پرەزيدەنتى الداعى ۋاقىتتاردا موڭعوليانىڭ ۇمىتىلعان جانە وزگەرتىلگەن گەوگرافيالىق اتاۋلارىن قالپىنا كەلتىرۋ مەن قورعاۋ تۋرالى جارلىق شىعارىپ، ۇلتتىق دەرەكتەر قورىن قۇرۋ تيىمدىلىگىن اتاپ ءوتتى. سونىمەن قاتار كريلليتسا مەن موڭعول جازۋىن قاتار قولداناتىن كومپانيالار مەن ۇيىمدارعا بەلگىلى مولشەردە سالىق جەڭىلدىگىن كورسەتەتىن مۇمكىندىك تۋعىزاتىنىن ايتتى. قوس تىلدە ءبىلىم الۋدى زاڭداستىرۋ، موڭعوليانىڭ مەملەكەتتىك ۇستازدار ۋنيۆەرسيتەتىندە موڭعول- قازاق جانە موڭعول- تىۆا تىلىندە باستاۋىش سىنىپ ۇستازدارىن دايارلايتىن فاكۋلتەت اشۋعا، شەتەلدەگى موڭعول بالالارىنىڭ موڭعول ءتىلىن ۇيرەنۋىنە نازار اۋدارۋ، موڭعول ءتىلىنىڭ ۇلكەن سوزدىگىن قۇراستىرۋعا بايلانىستى قاراجاتتاردى شەشۋ كەرەك دەدى»، - دەپ جازدى Kaznews.

قىتايدىڭ بەدەلدى رەسپۋبليكالىق باسىلىمى قازاق تىلىندە شىعا باستادى - «جەنمين جيباو» (People Daily)

ەلدەگى ىرگەلى باسىلىمنىڭ ءبىرى، قىتايدىڭ مەملەكەتتىك بيلىك پارتياسىنىڭ ورتالىق گازەتى سانالاتىن «جەنمين جيباو» (People Daily) سايتى قازاق تىلىندە كيريلليتسا قارپىمەن شىعا باستادى، دەپ جازادى قىتايلىق kazakh.people.com سايتى.

««جەنمين جيباو» (حالىق گازەتى) سايتى شەتەلگە باعىتتالعان اقپارات تاراتۋ كولەمىن، اۋديتورياسىن كەڭەيتۋ ماقساتىمەن قازاق(كيريلليتسا)، يتاليان، سۋاحيلي تىلدەرىندەگى نۇسقاسىن جاڭادان اشتى. سايت الداعى ۋاقىتتا قىتايدىڭ ساياساتى، ەكونوميكاسى، قوعامى، مادەنيەتى، عىلىمى مەن ءبىلىمى سەكىلدى كوپتەگەن سالالارىنان اقپارات تاراتادى. وسىلايشا «جەنمين جيباو» سايتى جاڭادان قوسىلعان ءۇش تىلمەن بىرگە، بۇرىنان بار اعىلشىن، جاپون، فرانتسۋز، يسپان، ورىس، اراب، كورەي، نەمىس، پورتۋگال سەكىلدى 12 شەت تىلىندە حابار تاراتۋ مۇمكىندىگىنە يە بولدى. سونىمەن بىرگە قىتايداعى قازاقتارعا ارنالعان قازاق تىلىندەگى توتە جازۋ نۇسقاسى دا كوپ جىلداردان بەرى جۇمىس جاساپ كەلەدى»، - دەپ جازادى People Daily.


ايتا كەتەيىك، «جەنمين جيباو» قىتاي تىلىندە «رىن مين رى باۋ» دەپ دىبىستالىپ، قازاقشاعا اۋدارىلعاندا «حالىق گازەتى» دەپ اتالادى. گازەت 1948 -جىلدان بەرى جارىق كورىپ كەلەدى. 1997 -جىلى گازەتتىڭ سايت نۇسقاسى جاسالىپ، عالامتور ارقىلى الەمگە جاڭالىقتارىن تاراتا باستادى. 2000 -جىلى سايت نۇسقاسى اتاۋىن «جەنمين ۋاڭ» («رىن مين ۋاڭ» - «حالىق سايتى») دەپ وزگەرتتى.

تاشكەنتتە وزبەكستانننىڭ تۇڭعىش پرەزيدەنتىن ەسكە الۋ شاراسى ءوتتى - «ءوزا» اقپاراتتىق اگەنتتىگى

وزبەكستان رەسپۋبليكاسى پرەزيدەنتى شاۆكات ميرزيايەۆ 2-قىركۇيەك كۇنى وزبەكستان رەسپۋبليكاسىنىڭ تۇڭعىش پرەزيدەنتى يسلام كاريموۆ اتىنداعى عىلىمي - اعارتۋشىلىق مەموريالدىق كەشەنىنە بارىپ، ونداعى تۇڭعىش پرەزيدەنت ەسكەرتكىشىنە گۇل شوقتارىن قويدى، دەپ جازادى وزبەكستاننىڭ «ءوزا» مەملەكەتتىك اقپاراتتىق اگەنتتىگى.


«مەملەكەت باسشىسىنىڭ 2017 -جىل 25-قاڭتارداعى جارلىعىنا سايكەس، 2-قىركۇيەك تۇڭعىش پرەزيدەنتتى ەسكە الۋ كۇنى رەتىندە اتالىپ وتەدى. تۇڭعىش پرەزيدەنتتى ەسكە الۋ شاراسى اياسىندا يسلام كاريموۆتىڭ اتىنداعى مەموريالدى كەشەنىندە مارقۇمنىڭ رۋحىنا ارنالعان قۇران وقىلدى.

شاۆكات ميرزيايەۆ تاۋەلسىزدىكتىڭ 30 جىلدىعىنا ارنالعان سالتاناتتى راسىمدە يسلام كاريموۆ وزبەكستاننىڭ تاۋەلسىزدىگىن جاريالاپ، تاريحىمىزدىڭ ەڭ قيىن جانە اۋىر كەزەڭىندە ەلىمىزدى باسقارعانىن اتاپ وتكەن بولاتىن. ەسكە الۋ شاراسىنا وزبەكستان رەسپۋبليكاسى «ولي ماجليس» سەناتى مەن زاڭ شىعارۋ پالاتاسى، پرەزيدەنت اكىمشىلىگى، مينيسترلەر كابينەتى، مينيسترلىكتەر مەن ۆەدومستۆو وكىلدەرى جانە استانالىق جۇرتشىلىق قاتىستى. بۇدان بولەك يسلام كاريموۆتىڭ سامارقاند پەن قارشىداعى مۇسىندەرىنە دە گۇل شوقتارى قويىلدى»، - دەپ جازادى «ءوزا» اقپاراتتىق اگەنتتىگى.


تۇركيانىڭ وليمپيادا ويىندارىنا قاي جىلى قاتىسقانىن بىلەسىز بە؟ - TRT

1908 -جىلى وليمپياداعا قاتىسقان گيمناسشى الەكو مۋلوس رەسمي تۇردە تۇركيا اتىنان وليمپياداعا قاتىسقان العاشقى سپورتشى بولدى، دەپ جازادى تۇركيا راديو تەلەۆيزيا پورتالى.


«وسمان مەملەكەتى افينادا ۇيىمداستىرىلعان 1906 -جىلعى «ارالىق وليمپيادا» ويىندارىنا سپورتشىلار جىبەرگەن. ال 1908 -جىلى وليمپياداعا رەسمي تۇردە تۇركيا اتىنان گيمناستيكاشى الەكو مۋلوس قاتىسقان. سونداي-اق، 1908 -جىلى بۇگىنگى تۇرىك ۇلتتىق وليمپيادالىق كوميتەتىنىڭ نەگىزىن قۇرايتىن وسمان مەملەكەتى ۇلتتىق وليمپيادالىق كوميتەتى قۇرىلادى. تۇركيانىڭ وليمپيادا تاريحىنىڭ العاشقى التىن مەدالىن 1936 -جىلى بەرليندە بالۋان ياشار ەركان جەڭىپ الادى. ال سوڭعى توكيوداعى وليمپيادا-2020 تۇركيانىڭ 13 مەدالمەن ەڭ كوپ مەدالعا قول جەتكىزگەن وليمپيادا ويىندارى بولدى.

اۆتور: باقىتجول كاكەش

سوڭعى جاڭالىقتار