موڭعوليادا مينيستر قازاق وتباسىندا تاماق جاساپ كورسەتتى - شەتەلدەگى قازاق ءتىلدى ب ا ق- قا شولۋ

موڭعوليانىڭ ءبىلىم، عىلىم ءمينيسترى قازاق وتباسىنا «وزبەك سورپا» جاساپ كورسەتتى - KAZNEWS

موڭعوليانىڭ ءبىلىم، عىلىم ءمينيسترى ل. ەنح- امگالان شىلدەنىڭ سوڭعى اپتاسىندا بايان- ولگەي ايماعىندا دەمالىپ قايتتى، دەپ جازادى موڭعوليالىق Kaznews اقپاراتتىق پورتالى.

«مينيستر ل. ەنح- امگالان دەمالىسى اياسىندا التاي تاۆان بوگد ولكەسىن مەكەن ەتەتىن د. بايبولسىننىڭ ۇيىندە قوناقتا بولعان. تاعام جاساۋعا دەگەن ءحوببيى بار مينيستر وزبەكتىڭ ۇلتتىق تاعامى شۋرپا (سورپا) جاساپ كورسەتكەن. ال ءۇي يەسى د. بايبولسىننىڭ ايەلى م. جانتولقىن مينيستر قوناعىنا دومبىرامەن قازاقتىڭ اسەم ءانىن ورىنداپ بەردى»، - دەپ جازادى Kaznews پورتالى.

الەمدىك قارجى ورتالىعىندا جۇمىس ىستەيتىن بىلىكتى قازاق ازاماتى - CNR

قىتايدىڭ تەڭىز جاعالاۋىنداعى شەنچجەن سەكىلدى الەمدىك قارجى، ەكونوميكا، ساۋدانىڭ ورتالعى سانالاتىن قالادا قارجىگەر بولىپ جۇمىس ىستەۋ ەلشات سەكىلدى بىلىكتى مامانداردىڭ عانا قولىنان كەلەدى، دەپ جازادى قىتايلىق kazakcnr.com سايتى.

اتالعان ب ا ق- تىڭ جازۋىنشا، شەنچجەن قالاسى (Shēnzhèn) - قىتايداعى العاشقى قۇرىلعان ارنايى ەكونوميكالىق ايماق. ول قازىرگى تاڭدا دامىپ كەلە جاتقان، ءىرى قالالاردىڭ ءبىرى. ءدال وسى ءىرى قارجى ورتالىعىندا قانداسىمىز، بىلىكتى قارجىگەر ەلشات باۋىرجان ۇلى ءوز سالاسىندا تابىستى جۇمىس ىستەپ ءجۇر.

ونىڭ نەگىزگى جۇمىسى شەنچجەن قالاسىنداعى ءىرى كومپانيالاردىڭ اكسيالارىن نارىققا شىعارۋعا جەتەكشىلىك ەتۋ. بۇل جوعارى كاسىبي ءبىلىمدى قاجەت ەتەتىن كۇردەلى قارجى سالاسى.

«ەلشات باۋىرجان ۇلى قىتايدىڭ بۇراتالا وبلىسىنىڭ اراسان اۋدانىندا تۋعان. ول قارجى ماماندىعى بويىنشا چەندۋداعى ەكونوميكالىق ۋنيۆەرسيتەتتە باكالاۆريات جانە جۇڭشان ۋنيۆەرسيتەتىندە ماگيستراتۋرادا وقىعان. سونىمەن بىرگە ا ق ش- تىڭ مەملەكەتتىك تەحنولوگيالىق Masachutes ۋنيۆەرسيتەتىندە MBA (ىسكەرلىك اكىمشىلىك ماگيسترى) ءبىلىم دارەجەسىن الادى. بۇل مەنەدجمەنت مەكتەبى (MIT Sloan Management School) - الەمدەگى ەڭ بەدەلدى بيزنەس مەكتەپتەرىنىڭ ءبىرى. ەلشات ا ق ش- تا جۇرگەندە قارجى سالاسىنىڭ ۇزدىكتەرىمەن تانىسادى، سونداعى كومپانيالاردىڭ NASDAQ اكسيالارىن نارىققا شىعارۋ قىزمەتتەرىمەن شۇعىلدانادى. ال قىتاي ەلىنە قايتىپ كەلگەننەن كەيىن قارجى سالاسىندا تابىستى ەڭبەك ەتىپ، ءوزىنىڭ بىلىكتىلىگىن ودان سايىن دالەلدەي تۇسەدى. ول قازىرگە دەيىن 14 كومپانيانىڭ قارجى كاپيتالىن ءتيىمدى ينۆەستيتسيالاپ، قۇندى قاعازدارىن نارىققا ءساتتى شىعارىپ بەرگەن. سونداي- اق، ەلشات قازىرگى كۇنى ءوزى باسقارىپ وتىرعان قارجى كومپانياسىنىڭ كولەمىن كەڭەيتىپ، بەيجىڭ، شانحاي، گۋانچجوۋ سەكىلدى قالالاردا دامىتۋدى كوزدەپ وتىر»، - دەپ جازادى CNR.

ەلشات ب ا ق- قا بەرگەن سۇحباتىندا، بولاشاق قارجىگەر جاس ماماندار جان- جاقتى، كوپ قىرلى ءبىلىمدى بولعاندا عانا وسى سالادى تابىستى جۇمىس جاساي الاتىنىن ايتقان. ونىڭ ويىنشا، جاستار وسى سالانىڭ بىلىكتى مامانى بولۋى ءۇشىن، قارجى سالاسىن مەڭگەرىپ قانا قويماي، عىلىم- تەحنيكا، IT، مەديتسينا سەكىلدى ءتۇرلى سالالاردان بەلگىلى دەڭگەيدە حابارى بولۋى قاجەت.

تەھراندا «قازاقستاننىڭ جەتىستىكتەرى» اتتى فوتوسۋرەت كورمەسى ءوتتى – فارس

ي ي ر- داعى قازاقستان ەلشىلىگىندە ق ر تاۋەلسىزدىگىنىڭ 30 جىلدىعىنا وراي «قازاقستاننىڭ جەتىستىكتەرى» اتتى فوتوسۋرەت كورمەسى ءوتتى، دەپ حابارلايدى يراننىڭ Parstoday اقپارات اگەنتتىگى.

قازاقستان رەسپۋبليكاسىنىڭ يرانداعى ەلشىلىگىنىڭ كەڭەسشىسى عامزات حايروۆ Pars Today اقپارات اگەنتىگى تىلشىسىنە بەرگەن سۇحباتىندا: «بۇگىن ءبىز يراندىق دوستارىمىزعا، وسىندا تۇرىپ جاتقان قانداستارىمىزعا ق ر تاۋەلسىزدىگىنىڭ 30 جىلدىعىنا ارناپ فوتوسۋرەت كورمەسىن ۇيىمداستىردىق. كورمەدە ساياسي- ەكونوميكالىق، تاريحي جانە مادەني تاقىرىپتارداعى سۋرەتتەر، سونىڭ ىشىندە قازاقستان دامۋىنىڭ العاشقى جىلدارىنداعى باستى وقيعالار مەن ايتۋلى كەزدەسۋلەرگە قاتىستى فوتودەرەكتەر، سونداي- اق قازاقستان حالقىنىڭ بىرلىگىن كورسەتەتىن سۋرەتتەر جۇرت نازارىنا ۇسىنىلدى. سونىمەن قوسا، ءبىز ءبىر بەينەبايان كورسەتىپ، قازاقستاننىڭ 30 -جىلدا جەتكەن جەتىستىكتەرىن سانامالاپ وتتىك»، - دەدى.

وزبەكستاننىڭ ەكسپورتى مەن يمپورتىندا ۇلەسى جوعارى 10 مەملەكەت - «ءو ز ا» اقپاراتتىق اگەنتتىگى

مەملەكەتتىك ستاتيستيكا كوميتەتى وزبەكستان مەن ەكونوميكالىق بايلانىسى ەڭ جوعارى بولعان توپ-10 مەملەكەتتەر رەيتينگىن جاسادى، دەپ جازادى وزبەكستاننىڭ «ءو ز ا» مەملەكەتتىك اقپاراتتىق اگەنتتىگى.

اتالعان ب ا ق- تىڭ دەرەگىنشە، ەل ەكسپورتىندا جوعارى ۇلەسكە يە مەملەكەتتەر اراسىندا 1,3 ميلليارد دوللارمەن قىتاي كوش باستاپ تۇر. ءتىزىمنىڭ سوڭىندا 103,7 ميلليون دوللارمەن ۋكراينا ورىن العان. قىتاي - 1,3 ميلليارد دوللار؛ رەسەي - 1 ميلليارد دوللار؛ تۇركيا - 988,5 ميلليون دوللار؛ قازاقستان - 655,1 ميلليون دوللار؛ قىرعىز رەسپۋبليكاسى - 413,1 ميلليون دوللار؛ اۋعانستان - 404,6 ميلليون دوللار؛ تاجىكستان - 242,1 ميلليون دوللار؛ يران - 114,4 ميلليون دوللار؛ كانادا - 109,3 ميلليون دوللار؛ ۋكراينا - 101,7 ميلليون دوللار.

ال، سوڭعى 7 ايدا وزبەكستان يمپورتىندا جوعارى ۇلەسكە يە بولعان ەلدەر اراسىندا قىتاي مەن رەسەي الدا كەلەدى. قىتاي - 2,7 ميلليارد دوللار؛ رەسەي - 2,7 ميلليارد دوللار؛ قازاقستان - 1,6 ميلليارد دوللار؛ كورەيا - 1,0 ميلليارد دوللار؛ تۇركيا - 885,8 ميلليون دوللار؛ گەرمانيا - 380,9 ميلليون دوللار؛ ءۇندىستان - 274,6 ميلليون دوللار؛ تۇركىمەنستان - 250,9 ميلليون دوللار؛ يتاليا - 238,8 ميلليون دوللار؛ ۋكراينا - 232,9 ميلليون دوللار.

دەرەككە قاراعاندا 2021 -جىلدىڭ قاڭتار- شىلدە ايلارىندا وزبەكستان يمپورتىنىڭ جالپى كولەمى 13,4 ميلليارد دوللاردى قۇراعاندىعى ايتىلعان.

ولجاس سۇلەيمەنوۆ «شاراف» وردەنىمەن ماراپاتتالدى - TRT

ازەربايجان پرەزيدەنتى يلحام اليەۆ قازاقتىڭ كورنەكتى اقىنى ولجاس سۇلەيمەنوۆتى «شاراف» وردەنىمەن ماراپاتتادى، دەپ حابارلايدى تۇركيا راديو تەليەۆيزيا پورتالى.

«قابىلداۋ بارىسىندا پرەزيدەنت يلحام اليەۆ ولجاس سۇلەيمەنوۆتى ازەربايجان حالقىنىڭ ۇلكەن دوسى، باۋىرلاس قازاقستان مادەنيەتىنىڭ ءىرى وكىلى، قوعام قايراتكەرى رەتىندە بىلەتىنىن اتاپ ءوتتى. سونىمەن بىرگە اقىننىڭ بارلىق ماسەلەدە ءوزىنىڭ ءپرينتسيپتى ۇستانىمىن ءبىلدىرىپ، ازەربايجانعا ءارقاشان قولداۋ كورسەتكەنىن باسا جەتكىزدى. ال ءوز كەزەگىندە بەلگىلى اقىن ءازىربايجاندىق «شاراف» وردەنىمەن ماراپاتتالعانىن ماقتان تۇتاتىنىن اتاپ ءوتىپ، يلحام اليەۆكە ريزاشىلىعىن ءبىلدىردى. اتالمىش وردەن ازەربايجان رەسپۋبليكاسىنا ايرىقشا ەڭبەك سىڭىرگەن تۇلعالارعا ەكونوميكا، عىلىمي- تەحنيكالىق دامۋعا، قوعامدىق- مادەني پروگرەسكە قوسقان ۇلەسى ءۇشىن، عىلىم، مادەنيەت، ادەبيەت، ونەر، اعارتۋ جانە دەنساۋلىق ساقتاۋ سالاسىندا ەرەن ەڭبەگى ءۇشىن بەرىلەدى. بۇل ماراپات شەتەلدىكتەردەن تۇركيا پرەزيدەنتى سۇلەيمان دەميرەلگە، رەسەي پاتريارحى كيريللگە، ەۋروپا وليمپيادا كوميتەتتەرىنىڭ پرەزيدەنتى پاتريك حيككيگە، رەسەي وپەرا ءانشىسى تامارا سينياۆسكاياعا، تاسس اگەنتتىگى باس ديرەكتورىنىڭ ءبىرىنشى ورىنباسارى ميحايل گۋسمانعا بەرىلگەن. ولجاس سۇلەيمەنوۆتىڭ ولەڭدەرى مەن پوەمالارى اعىلشىن، فرانسۋز، نەمىس، يسپان، چەح، پولياك، سلوۆاك، بولگار، ماجار، موڭعول، قىرعىز، تۇرىك جانە باسقا دا تىلدەرگە اۋدارىلعان»، - دەپ جازادى TRT.

ۇكىمەت باسشىسىنىڭ ورىنباسارى ءىس ساپارمەن بايان- ولگەي ايماعىندا بولدى - KAZNEWS

موڭعوليانىڭ ۇكىمەت باسشىسىنىڭ ورىنباسارى، مەملەكەتتىك توتەنشە كوميسسيانىڭ باسشىسى س. امارسايحان ءىس ساپارمەن بايان- ولگەي ايماعىندا بولدى، دەپ جازادى موڭعوليالىق Kaznews اقپاراتتىق پورتالى.

«ۇكىمەت باسشىسىنىڭ ورىنباسارى ەڭ الدىمەن ايماقتىق توتەنشە كوميسسيا مۇشەلەرىمەن كەزدەسۋ وتكىزىپ، ءبىرقاتار تاپسىرمالار بەردى. ايماق اكىمى باۋىرجان دالەل ۇلى ۇكىمەت باسشىسىنىڭ ورىنباسارى س. امارسايحانعا 10-تامىزدا عانا مەملەكەتتىك توتەنشە كوميسسيانىڭ شەشىمى بويىنشا دەنساۋلىق ساقتاۋ مينيسترلىگىنىڭ قولداۋىمەن قۋاتى تاۋلىگىنە 20 باللوندى وتتەگىمەن تولتىراتىن قوندىرعىنىڭ ىسكە قوسىلۋى ناۋقاستارعا وتتەگىنىڭ جەتىسپەۋشىلىك ماسەلەسى شەشىلگەنى تۋرالى باياندادى. سونىمەن قاتار، ايماقتىق بىرىككەن اۋرۋحانادا پاندەمياعا قارسى قولدانىلۋعا ارنالعان ءدارى- دارمەكتىڭ 10 كۇندىك قورى قالعانىن مالىمدەپ، رەنتگەن اپپاراتى مەن ارنايى جابدىقتالعان اۆتوكولىكپەن قامتاماسىز ەتۋ ماسەلەسىن قويىپ ۇكىمەت باسشىسىنىڭ ورىنباسارى تاراپىنان قولداۋ تاپتى.

بايان- ولگي ايماعىندا كوروناۆيرۋس ىندەتىنىڭ ورشۋىنە بايلانىستى 15-تامىزدان باستاپ 24-تامىزعا دەيىن 10 كۇندىك كارانتين رەجيمى جاريالانعان بولاتىن. بۇگىنگە دەيىن ايماقتا اتالمىش ىندەتتى جۇقتىرعانداردىڭ سانى 5934 كە جەتىپ، 344 ادام ەم قابىلداپ، 1778 ادام ۇيلەرىندە وقشاۋلانۋدا. ءىس ساپار اياسىندا ۇكىمەت باسشىسىنىڭ ورىنباسارى ايماقتا ىسكە اسىرىلىپ جاتقان ءبىرقاتار ينۆەستيتسيالىق جانە الەۋمەتتىك جوبالارمەن تانىستى»، - دەپ جازادى Kaznews پورتالى.

اۆتور: باقىتجول كاكەش