پرەزيدەنت قاجەت بولسا اۋعانستانداعى قازاقتاردى تاريحي وتانىنا قايتارۋعا كومەك كورسەتۋدى تاپسىردى

None
None
نۇر-سۇلتان. قازاقپارات - اۋعانستان اۋماعىندا قازىرگى ۋاقىتتا قانشا ەتنيكالىق قازاق تۇرىپ جاتىر. بۇل سۇراققا ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ جاۋاپ بەردى، دەپ حابارلايدى قازاقپارات ءتىلشىسى.

«اۋعانستانداعى ەتنيكالىق قازاقتاردىڭ وتىنىشتەرىنە بايلانىستى مەملەكەت باسشىسى قاسىم- جومارت توقايەۆ سىرتقى ىستەر مينيسترلىگىنە ولاردىڭ قاۋىپسىزدىگىن قامتاماسىز ەتۋمەن، قاجەت بولعان جاعدايدا تاريحي وتانىنا قايتارۋ ماسەلەسى بويىنشا بارىنشا كومەك كورسەتۋدى تاپسىردى»، - دەدى ايبەك سمادياروۆ تىلشىلەرگە بەرگەن سۇحباتىندا.

ونىڭ ايتۋىنشا، ەتنيكالىق قازاقتار ماسەلەسى قازاقستاننىڭ اۋعانستانداعى ەلشىلىگىنىڭ ەرەكشە باقىلاۋىندا.

«بىزدە بار مالىمەتتەرگە سايكەس، اۋعانستان اۋماعىندا 15 كە جۋىق ەتنيكالىق قازاقتاردىڭ وتباسى تۇرادى. ناقتىراق، 200 گە جۋىق ەتنيكالىق قازاق. كەيبىر ب ا ق اۋعانستاندا بىرنەشە مىڭ ەتنيكالىق قازاقتاردىڭ تۇراتىنى تۋرالى تەكسەرىلمەگەن اقپارات تاراتتى. بۇل شىندىققا سايكەس كەلمەيدى. وسىعان بايلانىستى اقپاراتتى مۇقيات قايتا تەكسەرۋدى جانە قاجەتسىز دۇرلىكتىرمەۋدى سۇرايمىز. ءبىز ءتيىستى جۇمىس جۇرگىزىپ جاتىرمىز جانە اۋعانستانداعى قازاقتارمەن تۇراقتى بايلانىستامىز»، - دەيدى ول.

اۆتور: ءالي يبرايەۆ


سوڭعى جاڭالىقتار