قازاقستان تۇركيامەن اسكەري ىنتىماقتاستىقتىڭ جاڭا باعىتىن تالقىلادى

None
None
نۇر- سۇلتان. قازاقپارات - قازاقستان مەن تۇركيا رەسپۋبليكالارى قورعانىس ۆەدومستۆولارىنىڭ وكىلدەرى بەينەكونفەرەنسيا ارقىلى رادياتسيالىق، حيميالىق جانە بيولوگيالىق قورعاۋ سالاسىنداعى ىنتىماقتاستىق ماسەلەلەرىن تالقىلادى، دەپ حابارلايدى قازاقپارات.

ق ر قورعانىس مينيسترلىگىنىڭ باسپا ءسوز قىزمەتىنەن ءمالىم ەتكەندەي، كەلىسسوزدەرگە قازاقستان تاراپىنان باس شتاب باستىعى - رادياتسيالىق، حيميالىق جانە بيولوگيالىق قورعاۋ اسكەرلەرى دەپارتامەنتىنىڭ باستىعى پودپولكوۆنيك ەرجان قۇلماعامبەتوۆ قاتىستى.

«بۇگىنگى كۇنى بۇل باعىت مەملەكەتتەرىمىز ءۇشىن وتە وزەكتى بولىپ تابىلادى. ءبىزدىڭ پىكىرىمىزشە، وسى سالاداعى ىنتىماقتاستىقتى ۇيىمداستىرۋ ەكى ەلدىڭ قورعانىس قابىلەتىنىڭ جاي- كۇيىنە وڭ ىقپال ەتەدى»، - دەپ اتاپ ءوتتى ول.

پودپولكوۆنيك ەرجان قۇلماعامبەتوۆتىڭ ايتۋىنشا، اسكەرلەردىڭ سوعىس جانە بەيبىت ۋاقىتتا مىندەتتەردى ورىنداۋىنا ءازىر بولۋىن ارتتىرۋ ماقساتىندا قازاقستان قارۋلى كۇشتەرىنىڭ رادياتسيالىق، حيميالىق جانە بيولوگيالىق قورعاۋ جۇيەسىن دامىتۋ جانە جاڭعىرتۋ بۇگىنگى كۇننىڭ نەگىزگى باسىمدىعى بولىپ تابىلادى.


تاراپتار مامانداردى دايارلاۋعا، بولىمشەلەردىڭ جاۋىنگەرلىك دايارلىعى پروتسەسىنە جانە ولاردى تەحنيكالىق جاراقتاندىرۋعا قاتىستى ءوزارا ءىس- قيمىلدىڭ پەرسپەكتيۆالىق باعىتتارىن تالقىلادى. رادياتسيالىق، حيميالىق جانە بيولوگيالىق قورعاۋ - بۇل قازاقستان مەن تۇركيا قورعانىس ۆەدومستۆولارى اراسىنداعى ىنتىماقتاستىقتىڭ جاڭا باعىتى. ول زامان تالابىنا سايكەس دامىتۋدى قاجەت ەتەدى. ر ح ب ق اسكەرلەرىنىڭ قاجەت ەكەنىن كوروناۆيرۋس ينفەكسياسىنىڭ پاندەمياسى ايقىن كورسەتىپ بەردى. بۇل كەزەڭدە اسكەري قىزمەتشىلەر الەۋمەتتىك تۇرعىدان ماڭىزدى وبەكتىلەردى دەزينفەكسيالاۋ بويىنشا مىندەتتەردى ورىندادى.

سوڭعى جاڭالىقتار