قىتاي استاناسىندا اۋە رەيستەرى ۋاقىتشا توقتاتىلدى

None
None
نۇر- سۇلتان. قازاقپارات - قىتايدا دا كوروناۆيرۋستىڭ «دەلتا» شتامى ءورشىپ بارادى. قاۋىپتى دەرت ەلدىڭ 27 شاھارىندا تىركەلگەن، دەپ حابارلادى حابار 24.

سوڭعى تاۋلىكتە 84 ادام ۆيرۋس جۇقتىردى. ولاردىڭ 7-ەۋى ۋحان قالاسىندا. ۆيرۋستىڭ دەلتا ءتۇرى بەيجىڭدە دە كەڭ ەتەك جايىپ بارادى. جەرگىلىكتى بيلىك ىندەتتىڭ تارالۋىنا توسقاۋىل قويۋ ءۇشىن بارلىق ءتيىستى شارالاردى قولعا الا باستادى.

قازىردىڭ وزىندە اۋرۋ كوبەيگەن وڭىرلەرمەن كولىك قاتىناسى تەجەلدى. اۆتوكولىكپەن قاتىنايتىندار بەيجىڭگە كىرەر الدىندا پ ت ر تەستتىڭ تەرىس ناتيجەسىن كورسەتۋى كەرەك. سونىمەن قاتار تۇرعىندار ىندەت تىركەلگەن وڭىرلەردەن كەلەتىن بولسا مىندەتتى تۇردە بۇل تۋرالى تۇرعىلىقتى مەكەن جايى بويىنشا حاباردار ەتۋى ءتيىس.

سيۋي حەتسزيان، بەيجىڭ ق. مەرياسىنىڭ رەسمي وكىلى:

- بەيجىڭ ەكى اۋەجايداعى سانيتارلىق تالاپتاردى قاتاڭداتتى. شاھارعا كىرەر جولدا دا باقىلاۋ كۇشەيتىلدى. ەل استاناسى مەن ۆيرۋس تىركەلگەن وڭىرلەر اراسىندا تۇرعىنداردىڭ قوزعالىسى شەكتەلدى. سونىمەن قاتار، اۆوبۋس، تەمىرجول مەن اۋە رەيستەردىڭ قاتىناسى ۋاقىتشا توقتاتىلدى. شاھاردىڭ قوعامدىق ورىندارىندا ماسكا تاعۋ رەجيمى قايتا قولعا الىندى. ساۋدا ورىندارى مەن كەي تۇرعىن ءۇي كەششەندەرىنە كىرەر الدىندا دەنە قىزۋى ولشەنەدى. ال كەلەسى اپتادا مەكتەپتەردە باستالاتىن وقۋ كەيىنگە شەگەرىلدى.

بەلگىلى بولعانداي ۆيرۋس بەيجىڭگە تۋريستىك ايماققا اينالعان جانتسزياتسزەدەن كەلگەن. ال ول جەرگە نانكين قالاسىنان كەلدى. قازىر جانتسزياتسزەدە لوكداۋن جاريالاندى. ساياحاتشىلار باراتىن جەرلەر جابىق. ونداعى تۋريستەر ەندى ايماقتان 3 مارتە تەست تاپسىرعاننان كەيىن عانا ايماقتان شىعا الادى. جەرگىلىكتى بيلىك ۆيرۋستىڭ قانشالىقتى قاۋىپتى ەكەنىن قايتا- قايتا ەسكەرتىپ وتىر. ماماندار كۇننىڭ ىستىعىنا قاراماستان بەتپەردەنى شەشپەۋدى تالاپ ەتەدى. اسىرەسە قوعامدىق ورىنداردا، اۋەجاي مەن تەمىرجول ۆوكزالدارىندا تالاپ قاتاڭ.

حە سينحۋا، ق ح ر دەنساۋلىق ساقتاۋ ءىسى بويىنشا مەملەكەتتىك كوميتەت وكىلى:

- قىتايدا اۋرۋدى باقىلاۋ جانە الدىن الۋعا ارنالعان شارالار وڭ ناتيجەسىن بەرەدى. كوروناۆيرۋستىڭ قالاي تارايتىنى ءمالىم. ەپيدەميامەن كۇرەستە سۇيەنەتىن تاجىريبەمىز بار. مىسالى گۋاندۋن، لياونين مەن يۋننان پروۆينتسيالارىنداعى ىندەتتىڭ ءورشۋىن اۋىزدىقتاي العانبىز. قولعا الىنعان بارلىق شارالار ناتيجەلى بولدى. قىتايدا 1 ميلليارد 670 ميلليون دوزا ۆاكسينا ەگىلدى.

الايدا ۇجىمدىق يممۋنيتەت جايىندا ايتۋ ءالى دە بولسا ەرتە. ەل تۇرعىندارىنىڭ ازىرشە 40 پروتسەنتى عانا ەگىلگەن. سوندىقتان بەيجىڭ بيلىگى ارقانى كەڭگە سالماي بارىنشا ساق بولۋعا شاقىرادى. ازىرگە قولدا بار اقپارات وسى.


سوڭعى جاڭالىقتار