ساپارحان وماروۆ جاڭا قىزمەتكە تاعايىندالدى

قازاقپارات بۇل تۋرالى ق ر ا ش م رەسمي سايتىنا سىلتەمە جاساپ حابارلايدى.

«س. وماروۆتىڭ قازاقستان رەسپۋبليكاسىنىڭ ازىق- تۇلىك قاۋىپسىزدىگىن قامتاماسىز ەتۋ جانە استىق سالاسىن دامىتۋ سالاسىنداعى كوپجىلدىق ناتيجەلى قىزمەتىن، سونداي-اق استىقتى مەملەكەتتىك ساتىپ الۋ جۇيەسىندە تابىستى تاجىريبەسىن ەسكەرە وتىرىپ، ق ر اۋىل شارۋاشىلىعى ءمينيسترى مىندەتىن اتقارۋشىنىڭ بيىلعى 28-شىلدەدەگى №227-بۇيرىعىمەن ق ر ۇكىمەتىنىڭ كەلىسىمىنە سايكەس، وماروۆ ساپارحان كەسىكباي ۇلى «ازىق- تۇلىك كەلىسىم-شارت كورپوراتسياسى «ۇلتتىق كومپانياسى» اق باسقارما ءتوراعاسى لاۋازىمىنا سايلاندى»، - دەلىنگەن مينيسترلىك سايتىندا.

ساپارحان وماروۆ 1968 -جىلى 5-مامىردا دۇنيەگە كەلگەن. 1996 -جىلدان 2007 -جىلعا دەيىن «ازىق- تۇلىك كەلىسىم شارت كورپوراتسياسى» ا ق-دا قىزمەت اتقارعان. ازىق- تۇلىك كورپوراتسياسىنداعى 11 جىل ىشىندە ءبولىم باستىعىنان ۆيتسە-پرەزيدەنتكە دەيىن كوتەرىلدى. 2008-2011 -جىلدارى ق ر پرەزيدەنتى اكىمشىلىگىنىڭ مەملەكەتتىك ينسپەكتورى، 2011-2014 -جىلدارى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ مۇشەسى بولدى.

2 جىل بويى قازاقستان رەسپۋبليكاسىنىڭ اۋىل شارۋاشىلىعى ۆيتسە- ءمينيسترى بولىپ ەڭبەك ەتتى. 2016 -جىلعى 24-ناۋرىزدان باستاپ ق ر پارلامەنتى ءماجىلىسىنىڭ دەپۋتاتى بولىپ سايلانىپ، اگرارلىق ماسەلەلەر كوميتەتىنىڭ ءتوراعاسى بولدى. 2019 -جىلعى 25-اقپاندا اۋىل شارۋاشىلىعى ءمينيسترى بولىپ تاعايىندالىپ، بۇل قىزمەتتەن 2021 -جىلدىڭ 10-شىلدەسىندە بوساتىلدى.

«پاراسات» جانە «قۇرمەت» وردەندەرىمەن، مەملەكەتتىك مەرەيتويلىق مەدالدارمەن جانە 2010 -جىلى قازاقستان رەسپۋبليكاسى تۇڭعىش پرەزيدەنتىنىڭ العىس حاتىمەن ماراپاتتالعان.

«بۇگىنگى تاڭدا ازىق- تۇلىك كەلىسىمشارت كورپوراتسياسىنىڭ الدىندا اۋىل شارۋاشىلىعى ونىمدەرىن فورۆاردتىق ساتىپ الۋدى جۇرگىزۋ مىندەتتەرى تۇر. س. وماروۆتىڭ اۋىل شارۋاشىلىعىندا جيناقتالعان تاجىريبەسى وعان كورپوراتسيا الدىنا قويىلعان مىندەتتەر مەن ماقساتتاردى ءتيىمدى ورىنداۋعا مۇمكىندىك بەرەدى» ، - دەپ اتاپ وتىلگەن اشم سايتىندا.

ەسكە سالايىق، بيىلعى 10-شىلدە كۇنى وتكەن ۇكىمەتتىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقايەۆ وڭىرلەردە ورىن العان قۋاڭشىلىقتا ءتيىستى جۇمىس اتقارماعانى ءۇشىن اۋىل شارۋاشىلىعى ءمينيسترى س. وماروۆ وتستاۆكاعا كەتۋى تيىستىگىن ايتقان بولاتىن. سول كۇنى پرەزيدەنتتىڭ جارلىعىمەن ساپارحان كەسىكباي ۇلى وماروۆ اتالعان لاۋازىمىنان بوساتىلدى.