سۋ كولىگىمەن سەرۋەندەۋگە تىيىم سالىندى: كولىكتەگى باس سانيتار دارىگەردىڭ قاۋلىسى

None
None
نۇر- سۇلتان. قازاقپارات – ق ر كولىكتەگى باس سانيتار دارىگەرىنىڭ سۋ كولىكتەرىمەن سەرۋەندەۋ شارالارىن شەكتەيتىن قاۋلىسى جاريالاندى، دەپ حابارلايدى قازاقپارات ءتىلشىسى.

قۇجات بويىنشا سۋ كولىگىن ۇسىناتىن نىساندار Ashyq جوباسىنا قاتىسپايتىن بولسا، كاتەر، كەمە، تەپلوحود، پاروم سياقتى كولىكتەردى كولدەردە، سۋ قويمالارىندا ويىن- ساۋىق جانە سەرۋەندىك ءىس- شارالارعا پايدالانۋعا تىيىم سالىندى.

ال تاۋەكەلدىڭ شەكتى دەڭگەيى سانالاتىن - «قويۋ قىزىل» ايماقتاعى وڭىرلەردە اتالمىش كولىكتەردى دەمالىس كۇندەرى Ashyq جوباسىنا قاتىسۋشىلار دا پايدالانا المايدى. قاۋلىدا سەرۋەندەۋ ءىس- شارالارىنا پايدالانىلاتىن سۋ كولىگىنىڭ يەلەرىنە كارانتيندىك شەكتەۋگە تۇسپەۋ ءۇشىن Ashyq جوباسىنا ەنۋ قاجەتتىگى ايتىلعان.

«سۋ كولىگى يەلەرىنە ويىن- ساۋىق جانە سەرۋەندەۋ- ەكسكۋرسيالىق ءىس- شارالار سالاسىندا پايدالانىلاتىن سۋ كولىگىن پايدالانۋعا تىيىم سالۋ بويىنشا شەكتەۋ سيپاتىنداعى قابىلدانعان شارالار تۋرالى تۇسىندىرە وتىرىپ، سۋ كولىگى وبەكتىلەرىندە Ashyq جوباسىن ەنگىزۋ جانە كارانتيندىك شارالاردىڭ ساقتالۋىن باقىلاۋ جۇرگىزىلسىن»، - دەپ جازىلعان قۇجاتتا.

قاۋلىنىڭ تولىق ماتىنىمەن مىنا جەردەن تانىسۋعا بولادى.

سوڭعى جاڭالىقتار