قازاقستاندا تۇرعىن ءۇي ساپاسىن تەكسەرەتىن زەرتحانا ىسكە قوسىلۋى مۇمكىن
«قۇرىلىس سالاسىندا قازاقستاندىقتاردى ءجيى مازالايتىن سۇراقتاردىڭ ءبىرى تۇرعىن ءۇي ساپاسى. وزدەرىڭىز بىلەتىندەي، ءبىزدىڭ مينيسترلىك جول ساپاسىن جاقسارتۋ ماقساتىندا ارنايى زەرتحانا قۇردى جانە ول ءوز ناتيجەسىن بەرىپ جاتىر. سول تاجىريبەگە سۇيەنە وتىرىپ، تۇرعىن ءۇي قۇرىلىسى ساپاسىن قاداعالايتىن زەرتحانا قۇرۋ جوسپارى بار. وسى ماقساتتا قازىرگى تاڭدا زاڭناماعا تولىقتىرۋلار مەن وزگەرىستەر ەنگىزۋ ماسەلەسى قارالىپ جاتىر. ياعني ۇكىمەتكە ءوز ۇسىنىسىمىزدى بىلدىرەتىن بولامىز. تۇرعىن ءۇي قۇرىلىسى ساپاسىن ارتتىرۋدا زەرتحانا قاجەت- اق. ويتكەنى، زەرتحانا كورسەتكەن قورىتىندىعا قاراپ ءۇيدىڭ قانشالىقتى ساپالى سالىنعانىن بىلۋگە بولادى. جانە زەرتحانا جۇمىسى جوبانىڭ باسىنان باستاپ، تۇرعىن ءۇيدى پايدالانۋعا بەرگەنشە جۇرگىزىلەدى»، - دەدى ق. وسكەنبايەۆ باسپا ءسوز ءماسليحاتىندا.
ۆيتسە- ءمينيستردىڭ سوزىنە سەنسەك، قۇرىلىس سالاسىن سيفرلاندىرۋ مەن اۆتوماتتاندىرۋداعى باستى ماقسات - ساپا پەن تۇتىنۋشىنىڭ سەنىمىن ارتتىرۋ.
«ارينە قۇرىلىستىڭ ساپاسىنا ونى سالعان كومپانيا تىكەلەي جاۋاپتى. دەگەنمەن مەملەكەتتىك باقىلاۋدىڭ ورنى بولەك جانە ول زاڭنمەن رەتتەلۋى ءتيىس. ساپالى تۇرعىن ءۇيدىڭ سانىن ارتتىرۋدا زەرتحانا ءبىراز ماسەلەنى اشىپ كورسەتەدى»، - دەيدى ول.
بۇعان دەيىن ءمينيستردىڭ ءبىرىنشى ورىنباسارى ەلىمىزدە تۇرعىن ءۇي قۇرىلىسى بارىسىن باقىلايتىن احۋالدىق ورتالىقتىڭ قۇرىلعانىن ايتتى.