ەرلان تۇرعىمبايەۆ پرەزيدەنتكە ەلدەگى كريمينوگەندىك احۋال جونىندە باياندادى

قازاقپارات بۇل تۋرالى اقورداعا سىلتەمە جاساپ حابارلايدى.

پرەزيدەنتكە ەلدەگى قازىرگى كريمينوگەندىك احۋال مەن ىشكى ىستەر ورگاندارى جۇمىسىنىڭ ناتيجەلەرى تۋرالى باياندالدى.

ەرلان تۇرعىمبايەۆتىڭ ايتۋىنشا، ۆەدومستۆو قىلمىستىڭ كوپتەگەن تۇرلەرىن اشۋ كورسەتكىشتەرىن جاقسارتقان. كىسى ءولتىرۋ، توناۋ، بۇزاقىلىق، ۇرلىق، سونداي- اق، كامەلەتتىك جاسقا تولماعاندار جاساعان قۇقىق بۇزۋشىلىقتار سانى ازايعان. قوعامدىق ورىندار مەن كوشەدەگى قاۋىپسىزدىك دەڭگەيى جوعارىلاعان. الايدا، ينتەرنەت جەلىسىن پايدالانۋ ارقىلى جاسالاتىن الاياقتىق قىلمىستار سانى ارتقان.

بۇعان پاندەميا كەزىندەگى ونلاين- قىزمەتتەردىڭ ءوسۋى ىقپال ەتتى. مەملەكەت باسشىسىنا ۆاكتسينا العاندىعى جونىندە جالعان قۇجاتتار تاراتۋدىڭ جولىن كەسۋ بويىنشا قابىلدانىپ جاتقان شارالار تۋرالى ايتىلدى.

جىل باسىنان بەرى پوليسيا ورگاندارى 50 ى جالعان ۆاكسيناتسيا پاسپورتتارىن جانە 60 ى جالعان پ ت ر- انىقتامالارىن جاساعانى ءۇشىن 110 قىلمىستىق ءىس قوزعاعان. مينيستر ءى ءى م بولىمشەلەرىندەگى جەكە قۇرام قىزمەتكەرلەرىنىڭ 96 پايىزى ەكپە العانىن جەتكىزدى.

كەزدەسۋ قورىتىندىسى بويىنشا قاسىم- جومارت توقايەۆ مينيسترلىككە باسقا مەملەكەتتىك ورگاندارمەن بىرلەسىپ، كارانتيندىك شارالاردى قامتاماسىز ەتۋگە ەرەكشە كوڭىل ءبولۋدى، سونداي- اق، كامەلەتكە تولماعاندارعا قارسى قىلمىستاردىڭ، تۇرمىس سالاسىنداعى قۇقىق بۇزۋشىلىقتاردىڭ الدىن الۋ جانە جول قاۋىپسىزدىگىن قامتاماسىز ەتۋ جونىندەگى جۇمىستى جانداندىرۋدى تاپسىردى.