ەكس-پرەزيدەنت اسقار اقايەۆ بىشكەككە ءوز ەركىمەن كەلگەن

ەكس- پرەمەر فەليكس كۋلوۆتىڭ ايتۋىنشا، اسقار اقايەۆ بىشكەككە «قۇم ءتور» جوباسىنا قاتىستى قىلمىستىق ىسكە بايلانىستى ايعاق بەرۋگە ءوزى كەلگەن. ول تەرگەۋ ماماندارىمەن جۇمىس ىستەۋگە دايىن.

«سادىر جاپاروۆ جومارتتىق تانىتىپ، بۇرىنعى پرەزيدەنتكە كەلۋگە مۇمكىندىك بەردى. مەنىڭ بىلۋىمشە، اسقار اقايەۆتى ەشكىم ماجبۇرلەگەن جوق، بىشكەككە كەلگەننەن كەيىن ول ۇ ق ك ۇ- عا باردى»، - دەدى كۋلوۆ.

ەسكە سالايىق، بۇعان دەيىن قىرعىزستاننان قاشىپ كەتكەن ەكس-پرەزيدەنت اسقار اقايەۆ بىشكەككە جەتكىزىلگەنى حابارلانعان بولاتىن.

«اقايەۆ جوعارى لاۋازىمدى شەنەۋنىكتەرمەن بىرگە 1992 -جىلى «قۇم ءتور» جوباسى بويىنشا باس كەلىسىم جاساسۋ كەزىندە، 1994 -جىلى وعان وزگەرىستەر ەنگىزۋ كەزىندە، سونداي- اق 2003 -جىلى « كامەكو « كومپانياسىمەن باس كەلىسىمدى قايتا قۇرىلىمداۋ كەزىندە سىبايلاس جەمقورلىق دەرەگى بويىنشا قىلمىستىق جاۋاپكەرشىلىككە تارتىلدى. تەرگەۋ بارىسىندا «قۇم ءتور» جوباسىن جۇزەگە اسىرۋ كەزىندە سىبايلاس جەمقورلىققا قاتىسى بار بارلىق كىنالى تۇلعانىڭ ىسىنە قۇقىقتىق باعا بەرىلدى»، - دەلىنگەن ۇ ق ك حابارلاماسىندا.