تۇركىستان وبلىسىندا پوليسەيلەر بارلىق تويحانا الدىن كۇزەتەتىن بولدى

None
None
تۇركىستان. قازاقپارات - تۇركىستان وبلىسىنىڭ اۋماعىندا ورنالاسقان 500 دەن استام تويحانانىڭ بارلىعىن پوليسيا قىزمەتكەرلەرى كۇزەتەتىن بولادى.

وبلىس اكىمى ءومىرزاق شوكەيەۆ ءوڭىردىڭ ءتارتىپ ساقشىلارىنا وسىنداي تاپسىرما بەردى، دەپ حابارلايدى قازاقپارات ءتىلشىسى.

ايماق باسشىسىنىڭ توراعالىعىمەن وتكەن اپتالىق وتىرىستا ۆاكسينالاۋ بارىسىن باقىلاۋ جانە ءموبيلدى توپتاردىڭ جۇمىسىن كۇشەيتۋ ماسەلەلەرى ءسوز بولدى. وبلىستا جىل باسىنان بەرى 600 گە تارتا توي انىقتالىپ، توقتاتىلعان.

«ءار تويحانانىڭ الدىنا ءبىر- ءبىر پوليسيا قىزمەتكەرىن قويۋ كەرەك. بۇل دا اۋرۋدىڭ تارالۋىنا جول بەرمەۋدىڭ ءتيىمدى ءتاسىلى بولاتىن شىعار. كۇرەستىڭ وسى جولىن دا كورۋ كەرەك. كوروناۆيرۋستىڭ تارالۋىنا جول بەرمەۋ ءۇشىن جان- جاقتان كۇرەس كۇشەيتىلسىن»، - دەدى وبلىس اكىمى.

وڭىردە سونداي- اق، كارانتين تالاپتارىنىڭ ساقتالۋىن باقىلاۋ بويىنشا ءموبيلدى توپتاردىڭ مونيتورينگ جۇمىستارى كۇشەيتىلمەك. وسىنداي جۇيەلى جۇمىستاردىڭ ناتيجەسىندە سوڭعى اپتادا تىيىم سالىنعان 115 وتباسىلىق، مەرەكەلىك ءىس- شارا انىقتالعان. ماسەلەن، سوڭعى اپتادا تىركەلگەن مىڭعا جۋىق جاعدايدىڭ كوپشىلىگىن بەلسەندى جاستاعىلار (20-49) قۇراعان. پاندەميا باستالعالى كوروناۆيرۋس جۇقتىرعانداردىڭ %30 استامى قارىم- قاتىناستا بولعاندار، %60 جۋىعى جرۆي/پنيەۆمونيا دياگنوزىمەن جانە ستاتسيونارلارعا جوسپارلى/شۇعىل جاتقىزىلعاندار سانالادى.

سونىمەن قاتار، مەملەكەتتىك شەكارادان وتكەندەر جانە ءىرى كاسىپورىن جۇمىسشىلارى، ۆاحتاشىلار بار. وتىرىس بارىسىندا وبلىستا كوروناۆيرۋسقا قارسى ۆاكتسيناتسيا قارقىنى جوعارى دەڭگەيدە ەكەنى دە ايتىلدى. بۇگىنگى تاندا، بارلىق 141 ەگۋ پۋنكتىندە كوروناۆيرۋس ينفەكتسياسىنا قارسى ۆاكتسيناتسيا جۇرگىزىلۋدە. ولار 109 دانا تەرموكونتەينەرمەن قامتاماسىز ەتىلگەن.

80 كوشپەلى ەگۋ بريگاداسى جۇمىس ىستەۋدە. وڭىرگە ۆاكتسينانىڭ 610 مىڭعا جۋىق دوزاسى جەتكىزىلگەن. I كومپونەنتپەن 583 مىڭعا جۋىق ادام نەمەسە ءوڭىر تۇرعىندارىنىڭ %95، Ⅱ كومپونەنتپەن - 404 مىڭعا جۋىق ادام نەمەسە % 77 ەگىلگەن. جىل باسىنان بەرى وبلىس بويىنشا جاساقتالعان 127 ءموبيلدى توپپەن 190 مىڭنان استام نىسان تەكسەرىلدى. 3,5 مىڭعا جۋىق حاتتاما تولتىرىلىپ، ايىپپۇل سالىنعان.

ايتا كەتەيىك، قاجەت بولعان جاعدايدا وڭىردە ينفەكتسيالىق توسەك- ورىن سانىن 6 مىڭعا دەيىن جەتكىزۋگە مۇمكىندىك بار.

سوڭعى جاڭالىقتار