قوناق ءۇي الدىندا جاپپاي فوتوسەسسيا ۇيىمداستىرعان سيناگوگا الماتىلىقتاردىڭ اشۋىنا ءتيدى

None
None
الماتى. قازاقپارات - الماتىدا Rixos قوناق ءۇيىنىڭ الدىندا جاپپاي فوتوسەسسيا ۇيىمداستىرۋشىسىنا 30 ا ە ك كولەمىندە ايىپپۇل سالىندى، دەپ حابارلايدى قازاقپارات ءتىلشىسى.

بۇعان دەيىن جەلىدە Rixos قوناق ءۇيىنىڭ الدىندا قارا كوستيۋم كيگەن كوپ ادامنىڭ سۋرەتكە ءتۇسىپ جاتقانى كورسەتىلگەن ۆيدەو تاراعان ەدى. «نەلىكتەن ولار ءۇشىن كارانتين جوق؟»، - دەپ رەنىشىن بىلدىرەدى ۆيدەو اۆتورى.

«شەكتەۋ شارالارىن بۇزعان ۇيىمداستىرۋشى - ورتالىق سيناگوگا. ول ءدىني ءىس- شارا ۇيىمداستىرعان. بۇل رەتتە ەشقانداي ءوتىنىم بولماعان. اتالعان مەكەمەنىڭ باسشىسىنا قاتىستى زاڭعا سايكەس 30 ا ە ك (87510 تەڭگە) كولەمىندە اكىمشىلىك ىقپال ەتۋ شاراسى قولدانىلدى»، - دەپ جاۋاپ بەردى قالالىق سانيتارلىق- ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا.

ونىڭ ايتۋىنشا، قوناق ءۇيدىڭ ءوزى شەكتەۋ شارالارىن بۇزباعان.

«قوناق ءۇي ىشىندە ەشقانداي شارا بولماعان. ولار تەك سىرتىندا سۋرەتكە تۇسكەن. بۇل بىزگە ۇسىنىلعان ماتەريالدارعا نەگىزدەلگەن. ال قوناقۇي باسشىلىعى بۇل تۋرالى بىلمەگەن»، - دەپ قوستى سانيتار دارىگەر.



سوڭعى جاڭالىقتار