قاسىم حان تۋرالى فيلمنىڭ ءتۇسىرىلىمى اياقتالدى
«دوستار، ءبىز «ۇلى دالا تاڭى» ءتۇسىرىلىمىن اياقتادىق. ءبىزدىڭ كوماندانىڭ ءار قاتىسۋشىسىنا وسى تاماشا كەزەڭ ءۇشىن، باعا جەتپەس تاجىريبە ءۇشىن، ەڭبەكتەرىڭىز بەن كاسىپقويلىقتارىڭىز ءۇشىن العىس ايتقىم كەلەدى»، - دەپ جازدى فيلم رەجيسسەرى اقان ساتايەۆ جەلىدەگى پاراقشاسىندا.
قازاق مەملەكەتىنىڭ قالىپتاسۋى تۋرالى تاريحي- پاتريوتتىق فيلم ق ر مادەنيەت جانە سپورت مينيسترلىگىنىڭ قولداۋىمەن ءتۇسىرىلدى. تۋىندىداعى باستى رولدەردى بەرىك ايتجانوۆ، دانيار ورازايەۆ، ەرىك جولجاقسىنوۆ جانە ايدوس ءابدىقادىروۆ سومدايدى. فيلم 16- عاسىرداعى قازاق حاندىعىنىڭ بيلەۋشىسى - قاسىم حاننىڭ جەتىستىكتەرى تۋرالى باياندايدى.
ەسكە سالا كەتەيىك، ماۋسىم ايىندا ق ر مادەنيەت جانە سپورت ءمينيسترى اقتوتى رايىمقۇلوۆا باستاعان دەلەگاتسيا الماتى وبلىسى قاپشاعاي قالاسىنىڭ ماڭىندا ورنالاسقان تاريحي فيلمىنىڭ ءتۇسىرىلىم الاڭىندا بولدى. كەيىن «قازاق فيلم» كينوستۋدياسى Instagram پاراقشاسىندا XVI عاسىرداعى قاسىم حان اسكەرى مەن شايباني جاۋىنگەرلەرىنىڭ ايقاسى تۋرالى كورىنىستى جاريالاعان ەدى.
