توكيو وليمپياداسى: تاعى ءۇش سپورتشىمىز جارتىلاي فينالعا وتە الماي قالدى

بۇگىن، 2-تامىز كۇنى ايەلدەر اراسىندا 200 مەتر قاشىققا ىرىكتەۋ كەزەڭى ءوتتى، دەپ حابارلايدى قازاقپارات Olympic.kz-كە سىلتەمە جاساپ.

قازاقستان ساپىنان اتالعان سانات بويىنشا ولگا سافرونوۆا قاتىستى. ءتيىستى قاشىقتى 23,64 سەكۋندتا باعىندىرعان ول ءوز توبىندا التىنشى بولدى. ايتا كەتەرلىگى، 1-3-ورىن العان سپورتشىلار جارتىلاي فينالعا جولداما الدى.

اعايىندى ەمەليانوۆتار توكيو وليمپياداسىندا جارتىلاي فينالعا وتە المادى. توكيو وليمپياداسىندا ەرلەر مەن ايەلدەر اراسىندا بايداركا مەن كانوە ەسۋدەن سايىستار جالعاسىپ جاتىر.

بايداركا مەن كانوەدە ەسۋدەن ەرلەر اراسىندا 1000 مەتر قاشىقتاعى شيرەك فينالدىڭ سىندارى اياقتالدى. اتالعان سانات بويىنشا قازاقستان ساپىنان اعايىندى سەرگەي مەن تيموفەي ەمەليانوۆتار قاتىستى. شيرەك فينالدىڭ ناتيجەسى بويىنشا قازاقستان 3:55.157 كورسەتكىشمەن ءتورتىنشى ورىننان كورىندى. مۇنداي ناتيجە ا فينالىنا جولداما الۋعا جەتكىلىكسىز بولعاندىقتان، قازاقستاندىق دۋەت ۆ فينالىندا باق سىنايدى. ۆ فينالى 3-تامىز كۇنى نۇر-سۇلتان ۋاقىتىمەن تاڭعى ساعات 8:45-تە وتەدى.

فوتو: ۆلاديسلاۆ سەمەنوۆ، قازاقستان ۇ و ك