جەكسەنبى كۇنى اقتاۋدا بولعان جاعداي تۇرعىنداردى دۇرلىكتىردى - ۆيدەو

اقتاۋدا قالانىڭ بىرنەشە اۋدانىندا جىلقىلار اعاش جاپىراعىن جەپ ءجۇر. تۇرعىندار 1-تامىز، جەكسەنبى كۇنى تۇسىرىلگەن ۆيدەونى بولىسۋدە، دەپ جازادى جەرگىلىكتى «لادا» باسىلىمى.

«جىلقىلار نەگە قالالىق ساياباقتا بۇتالاردى سىندىرىپ، جاپىراق جەپ ءجۇر؟ بارىندە ەن كورىنەدى، يەسىن انىقتايتىن ادام بار ما؟»، - دەپ شاعىمداندى وكسانا ەسىمدى قالا تۇرعىنى.

مۇنداي جاعدايدى ساياباقتان بولەك، 6-شى جانە 8-شاعىن اۋدان تۇرعىندارى دا كوردى.

ەسكە سالا كەتسەك، ماڭعىستاۋ وبلىسىندا قۋاڭشىلىق سالدارىنان جۇزدەگەن جىلقى قىرىلدى. قازگيدرومەت حابارلاۋىنشا، وڭىردە جاۋىن- شاشىن مولشەرى نورماسىنىڭ 17 پروتسەنتى عانا جاۋعان.

10-شىلدەدە ۇكىمەتتىڭ كەڭەيتىلگەن وتىرىسىندا قاسىم-جومارت توقايەۆ ماڭعىستاۋ جانە قىزىلوردا وبلىستارىنداعى قاۋاڭشىلىققا بايلانىستى اۋىل شارۋاشىلىعى مينيسترلىگى مەن اكىمدىكتەر تاراپىنان ءتيىستى شارالاردىڭ قولعا الىنباعانىن ەرەكشە اتاپ ءوتتى.

ونىڭ پىكىرىنشە، مينيسترلىك بۇل جۇمىستى ءتيىمدى ۇيىمداستىرا العان جوق.

سوندىقتان وسى سالاعا بىردەن ءبىر جاۋاپتى تۇلعا رەتىندە مينيستر ساپارحان وماروۆ وتستاۆكاعا كەتتى.

Sputnik