مىرزاعالي ايتجانوۆ: فرانسيالىق بوكسشى ساكەننىڭ باستى قارسىلاستارىنىڭ ءبىرى ەدى

«بۇگىنگى قارسىلاس وڭاي ەمەس. الەم چەمپيوناتىنىڭ قولا جۇلدەگەرى، فرانسيانىڭ ءۇمىت ارتىپ وتىرعان بوكسشىلارىنىڭ ءبىرى. سول سەبەپتى، ەكى-ءۇش كۇن بويى تاكتيكالىق جاعىنان دايىندالدىق. بەرىلگەن تاپسىرمانىڭ بارلىعىن ورىنداپ شىقتى. قارسىلاسى ساكەنگە قاراعاندا سالماقتى كوپ قۋاتىن جىگىت. ونى بايقاپ ءجۇرمىز. سوندىقتان، ءبىز جىلدامدىقتى ۇدەتىپ، سوعان جۇمىس ىستەدىك. بۇل تۇرعىدان ءبىزدىڭ جوسپارىمىز ورىندالىپ، تورەشىلەر شەشىمىمەن ايقىن باسىمدىقپەن جەڭىسكە جەتتىك. يسپانيالىق بوكسشىنى كورىپ ءجۇرمىز. ەندىگى كەزدەسۋدە جاقسىلاپ تىڭعىلىقتى دايىندالىپ شىعامىز. باستى قارسىلاستاردىڭ ءبىرى بولادى دەپ وسى فرانسۋزدى كۇتكەنبىز. جەڭىسپەن اياقتادىق»، - دەيدى ايتجانوۆ.