كاسپيي جاعالاۋىندا وزىق ۇلگىدەگى قۇتقارۋ ستانساسى اشىلدى
جاڭا نىسان ماڭعىستاۋ وبلىسىنداعى بارلىق سۋدا قۇتقارۋ بولىمشەلەرىنىڭ ورتالىعى رەتىندە جۇمىس ىستەيتىن بولادى. كاسپي جاعالاۋىندا ورنالاسقان جاڭا سۋدا قۇتقارۋ ستانتسياسىنىڭ اشىلۋ سالتاناتىنا قاتىسقان ماڭعىستاۋ وبلىسىنىڭ اكىمى س. ترۇموۆ جينالعانداردى جاڭا نىساننىڭ اشىلۋىمەن قۇتتىقتاپ، قۇتقارۋ قىزمەتىنىڭ جۇمىسىن جەتىلدىرۋدىڭ ماڭىزدىلىعىن اتاپ ءوتتى.
«كوپتەن كۇتكەن سۋدا قۇتقارۋ ستانتسياسىن سالۋ قاجەتتىلىگى جاعالاۋ ايماعىندا بولىپ جاتقان توتەنشە جاعدايلارعا تۇراقتى ازىرلىكتى جانە جەدەل دەن قويۋدى قامتاماسىز ەتۋ ماقساتىندا تۋىندادى. تەڭىز جاعالاۋىنداعى دەمالىس ورىندارى دا، وڭىرگە كەلىپ، جاعاجايدا دەمالۋشىلاردىڭ دا سانى جىلدان- جىلعا ارتىپ كەلەدى. ولاردىڭ قاۋىپسىزدىگىن قامتاماسىز ەتۋدە بۇل ورتالىقتىڭ ماڭىزى زور بولماق. قۇتقارۋشىلاردىڭ الاڭسىز قىزمەت ەتۋىنە مۇندا بارلىق جاعداي جاسالعان»، - دەدى وبلىس باسشىسى.
ستانتسيا جىلدام جۇرەتىن قۇتقارۋ كاتەرلەرىمەن، سۇڭگۋىر جانە سۋدا قۇتقارۋ جابدىقتارىمەن، اۆتوكولىكتەرمەن جانە ءجۇزۋ قۇرالدارىمەن جابدىقتالعان.
«بۇل ستانسانىڭ اشىلۋىن كوپتەن كۇتتىك. وسىعان دەيىن تار بولمەدە وتىرساق، ەندى زامان تالابىنا ساي، ىشىندە قۇتقارۋشىلار ءۇشىن بارلىق جاعداي جاسالعان عيماراتقا قونىس اۋداردىق»، - دەيدى جەدەل- قۇتقارۋ جاساعىنىڭ باسشىسى نازار ىزتىلەۋوۆ.
بيىل سۋعا ءتۇسۋ ماۋسىمى باستالعالى وڭىردە 9 ادام سۋعا كەتكەن.
