قازاقستان ارقىلى كونتەينەرمەن جۇك تاسىمالداۋ قانشا تۇرادى

«كونتەينەرمەن جۇك تاسىمالداۋدىڭ اۋقىمدى كولەمى ەۋروپا ەلدەرىنەن كەلەدى. وسىدان 5 جىل بۇرىن ەۋروپادان از كولەمدە جۇك تاسىمالدانسا، قازىر ەلىمىزگە جەتكىزىلەتىن جۇك كولەمى ايتارلىقتاي ارتتى، اسىرەسە دايىن ونىمدەر. نەگىزىنەن العاندا ءبىزدىڭ ەل ارقىلى قىتايعا اۆتوموبيل جەتكىزىلەدى»، - دەدى ەرجان بايعوجين.

سونداي- اق، دەپارتامەنت باسشىسى قازاقستان ارقىلى ەۋروپادان قىتايعا جۇك تاسىمالىنىڭ قانشا تۇراتىنىن ايتتى.

«قازىر پاندەمياعا بايلانىستى باعا ءوستى. بۇرىن ءبىر جۇك كونتەينەرىنىڭ قۇنى ورتاشا 6-7 مىڭ ا ق ش دوللارىن قۇراسا، قازىر باعا 9 مىڭ ا ق ش دوللارىنا دەيىن كوتەرىلدى. ونىڭ ۇستىنە تەڭىز تاسىمالى دا پاندەمياعا بايلانىستى باعانى ءوسىردى»، - دەيدى ول.

سونداي- اق، ە. بايعوجين پاندەميانىڭ ەلىمىزدىڭ جۇك تاسىمالى سالاسىنا تيگىزگەن اسەرى تۋرالى ايتىپ بەردى. ودان بولەك، سپيكەر قازاقستاندا كونتەينەرمەن جۇك تاسىمالداۋ كولەمىنىڭ ارتقانىن العا تارتتى.

اۆتور: ءالي يبرايەۆ