ەستۋ قابىلەتىنىڭ جوعالۋى، قان تامىرلارى ترومبوزى: دەلتا شتامى تۋرالى نە ءبىلۋىمىز كەرەك

None
None
نۇر- سۇلتان. قازاقپارات - جوعارى ساناتتى بىلىكتى دارىگەر، فتيزياتر اننا سەپكە كوروناۆيرۋستىڭ جاڭا ءتۇرى - دەلتا شتامىنىڭ قاۋىپتى ەكەنىن ايتتى.

فتيزياتردىڭ ايتۋىنشا، بۇل شتامم قىسقا ينكۋباتسيالىق كەزەڭمەن سيپاتتالادى جانە وزىندىك بەلگىلەرى بار، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.

«جۇقتىرعان ساتتەن باستاپ 7 كۇن ىشىندە ادامدا كلينيكالىق بەلگىلەر تەز دامىپ، اۋىر تۇرگە اينالۋى مۇمكىن. مۇندا نازار اۋداراتىن نەگىزگى بەلگىلەر: جرۆي- گە وتە ۇقساس (تاماقتىڭ اۋرۋى، مۇرىننان سۋ اعۋى، باس اۋرۋى). سونىمەن قاتار، كوروناۆيرۋس سيمپتومى رەتىندە بارىمىزگە بەلگىلى ءيىس سەزۋدىڭ جوعالۋى بۇل شتامدا كەزدەسە بەرمەيدى. سونداي- اق، دەلتا شتامىندا تىنىس الۋ بەلگىلەرىنەن باسقا، ءىشتىڭ اۋىرسىنۋى، ديارەيا، جۇرەك اينۋ مەن قۇسۋ، بۋىننىڭ اۋىرۋىنا نازار اۋدارۋ كەرەك. ساراپشىلار بۇعان ەستۋ قابىلەتىنىڭ جوعالۋىن جانە تومەنگى اياق تامىرلارىنىڭ ترومبوزىن قوسادى»، - دەيدى دارىگەر.

اننا سەپكە جەدەل رەسپيراتورلىق ينفەكسياعا ۇقساس بەلگىلەر پايدا بولعان كەزدە (كوروناۆيرۋسپەن اۋىرعاندار سانىنىڭ ءوسۋىن ەسكەرە وتىرىپ) باسقا اۋرۋلار تۋرالى ويلاۋدىڭ قاجەتى جوق ەكەنىن اتاپ ءوتتى. ءوزىن- ءوزى وقشاۋلاپ، تولىق تەكسەرىستەن ءوتىپ، پ ت ر- تەست تاپسىرۋى جانە بولاشاقتا مامانداردىڭ كەڭەستەرىنە قۇلاق اسۋلارى ءتيىس.

«بۇگىنگى تاڭدا دەلتا شتامى بۇكىل الەمدە ەڭ قاۋىپتى ۆيرۋس بولىپ سانالادى. بۇل شتامم بۇكىل مەديتسينالىق قاۋىمداستىقتا ۇلكەن الاڭداۋشىلىق تۋدىرىپ وتىر. بۇل ۆيرۋستىڭ تەز جۇعاتىندىعىمەن بايلانىستى. ەگەر كوروناۆيرۋستىڭ بۇرىنعى شتامدارىنان ينفەكسيا 1-دەن 4 ادامعا دەيىن جۇعاتىن بولسا، دەلتا نۇسقاسىندا - 1-دەن 7 ادامعا دەيىن»، - دەپ قوستى سپيكەر.

ءوزىڭىزدى قالاي وقشاۋلاۋعا جانە قورعاۋعا بولادى دەگەن سۇراققا، جوعارى ساناتتى دارىگەر ينفەكتسيانىڭ بۇرىنعى تۇرلەرىندە ساقتالعان بارلىق ماڭىزدى ۇسىنىستاردى قايتالادى.

«بارلىق الدىن- الۋ شارالارىن، بەتپەردە كيۋدى، ۆاكسيناتسيانى ساقتاعان جاعدايدا عانا ءوزىڭىزدىڭ، سونداي- اق تۋىستارىڭىز بەن اينالاڭىزداعى ادامداردىڭ دەنساۋلىعىن ساقتاي الاسىز دەپ قايتالاپ ايتۋدان جالىقپايمىز. ۆيرۋس مۋتاتسياعا ۇشىراپ، كۇشەيە ءتۇستى. دەنساۋلىعىڭىزعا قاۋىپ توندىرمەڭىز. ەگەر ءوزىڭىزدى قازىر قورعاماساڭىز، ەكپە سالدىرماساڭىز، كەيىن كەش بولۋى مۇمكىن»، - دەپ قورىتىندىلادى فتيزياتر.

سوڭعى جاڭالىقتار