ق ر قارجى مينيسترلىگى قازاق- قىرعىز شەكاراسىندا قالىپتاسقان جاعدايدى ءتۇسىندىردى

None
None
نۇر- سۇلتان. قازاقپارات - الەۋمەتتىڭ جەلىلەردە قىرعىز رەسپۋبليكاسىنىڭ اۋماعىندا «اق تىلەك اۆتوجول» اۆتوموبيل وتكىزۋ پۋنكتىنىڭ (قازاقستان تاراپىنان شەكتەس وتكىزۋ پۋنكتى - «قاراسۋ» ) الدىندا جۇك اۆتوكولىك قۇرالدارىنىڭ جينالۋى تۋرالى اقپارات پايدا بولدى.

ق ر قارجى مينيسترلىگى مەملەكەتتىك كىرىستەر كوميتەتى باسپا ءسوز قىزمەتىنىڭ حابارلاۋىنشا:

«2021 -جىلعى 30 - شىلدەدەگى جاعداي بويىنشا قىرعىز رەسپۋبليكاسى تاراپىنان «قاراسۋ» وتكىزۋ پۋنكتىندەگى جۇك اۆتوكولىك قۇرالدارىنىڭ سانى 50-80 بىرلىكتى قۇرايدى، بۇل جەمىس- كوكونىس ونىمدەرىنىڭ پىسەتىن ماۋسىمىن ەسكەرە وتىرىپ، كورسەتىلگەن وتكىزۋ پۋنكتى ءۇشىن شتاتتىق جاعداي بولىپ تابىلادى».

جالپى، قازاقستان- قىرعىز شەكاراسىنداعى وتكىزۋ پۋنكتتەرى شتاتتىق رەجيمدە جۇمىس ىستەيدى، مەملەكەتتىك كىرىستەر ورگاندارىنىڭ اقپاراتتىق جۇيەلەرى تولىق كولەمدە جۇمىس ىستەپ تۇر.

«ورتا ەسەپپەن ءبىر تاۋلىك ىشىندە قازاقستان رەسپۋبليكاسىنىڭ اۋماعىنا قىرعىز رەسپۋبليكاسىنان 300-350 اۆتوكولىك قۇرالىمەن تاۋارلار جەتكىزىلەدى»، - دەلىنگەن حابارلامادا.

سوڭعى جاڭالىقتار