قالمۇحانبەت قاسىموۆ مەملەكەتتىك كۇزەت قىزمەتىنىڭ باستىعى قىزمەتىنەن بوساتىلدى

None
None
نۇر- سۇلتان. قازاقپارات - پرەزيدەنت قاسىم- جومارت توقايەۆ قالمۇحانبەت قاسىموۆتى ءوزىنىڭ وتستاۆكاعا جانە مەملەكەتتىك قىزمەتتەن كەتۋ تۋرالى ءوتىنىشى بويىنشا قازاقستان رەسپۋبليكاسى مەملەكەتتىك كۇزەت قىزمەتىنىڭ باستىعى لاۋازىمىنان بوساتتى.

بۇل تۋرالى ءوزىنىڭ Facebook پاراقشاسىندا ق ر پرەزيدەنتىنىڭ باسپا ءسوز حاتشىسى بەرىك ءۋالي جازدى، دەپ حابارلايدى قازاقپارات.

«قاسىم- جومارت توقايەۆ قالمۇحانبەت قاسىموۆقا قۇقىق قورعاۋ ورگاندارىنداعى ۇزاق جىلعى قىزمەتى مەن مەملەكەتتىك كۇزەت قىزمەتىنىڭ باستىعى رەتىندە سىڭىرگەن ەڭبەگى ءۇشىن العىس ءبىلدىردى. مەملەكەتتىك كۇزەت قىزمەتى باستىعىنىڭ مىندەتىن ۋاقىتشا اتقارۋ ە. ا. ساعىمبايەۆقا جۇكتەلدى»، - دەلىنگەن حابارلامادا.

قالمۇحانبەت قاسىموۆتىڭ مەملەكەتتىك كۇزەت قىزمەتىنىڭ باستىعى لاۋازىمىنان بوساتىلعانى تۋرالى مەملەكەت باسشىسىنىڭ جارلىعى اقوردانىڭ رەسمي سايتىندا جاريالاندى.

سوڭعى جاڭالىقتار