+7 (701) 759 90 19
8 °С : نۇر-سۇلتان
20 °С : الماتى
USD 423.95 EUR 495.81
RUB 5.84 CNY 65.6
جاڭالىقتار

«مۇنداي ادىلەتسىزدىكتى العاش كورۋىم». ۇلتتىق قۇرامانىڭ بۇرىنعى باس باپكەرى توكيو وليمپياداسى جايلى

30 شىلدە 10:02
:ءبولىسۋ
«مۇنداي ادىلەتسىزدىكتى العاش كورۋىم». ۇلتتىق قۇرامانىڭ بۇرىنعى باس باپكەرى توكيو وليمپياداسى جايلى

نۇر- سۇلتان. قازاقپارات - ءتورتجىلدىقتىڭ باستى دوداسىنا قاتىسىپ جاتقان قازاقستان سپورتشىلارىنىڭ ەنشىسىندە ازىرگە ءۇش جۇلدە بار.

الدىمەن دزيۋدوشى ەلدوس سمەتوۆ ءۇشىنشى ورىن يەلەنسە، ارتىنشا يگور سون مەن ءزۇلفيا چينشانلولار اۋىر اتلەتيكا سپورتىندا قوس بىردەي قولانى قورجىنعا سالعان بولاتىن. وسىعان بايلانىستى ۇلتتىق قۇرامانىڭ كوپ جىلدار بويى باس باپكەرى بولعان الەكسەي ني وليمپيادا ويىندارىنا قاتىسقان قازاقستاندىق زىلتەمىرشىلەردىڭ ونەرىنە باعاسىن بەردى.

«العاشىندا ءزۇلفيا چينشانلو ريو وليمپياداسىنا قاتىسۋى ءتيىس بولعان. وكىنىشكە قاراي، دوپينگ داۋىنان كەيىن ءزۇلفيانى جانە قۇرامانىڭ باسقا دا الدىڭعى قاتارلى سپورتشىلارىنا ءتورتجىلدىقتىڭ باستى جارىسىنا قاتىسۋىنا جول بەرمەدى. توكيو ويىندارىنا يليا يلين، نيجات راحيموۆ، مايا مانەزالار قاتىسۋى ءتيىس ەدى. ءبىراق ەرلەر مەن ايەلدەر كومانداسىنا تەك ەكى ليتسەنزيا بەردى. سوندىقتان چينشانلو وليمپياداعا بارا الماعان كوماندالاستارى ءۇشىن كۇرەستى. ۇلكەن جارىستاردان ەكى جىل شەتتەتىلگەنىنە قاراماستان ءزۇلفيا توكيودا ەرلىك جاسادى.

ومىرىمدە ءبىرىنشى رەت وليمپيادا ويىندارىن تەلەديداردان كوردىم. وتە اۋىر ەكەن. كۇندەلىكتى باپكەرلەرمەن تىكەلەي بايلانىستا بولدىم. تاجىريبەممەن ءبولىسىپ وتىردىم. يگور سوننىڭ جارىسىن كوردىم. ال ءزۇلفيانىڭ ترانسلياتسياسىن تەحنيكالىق قيىندىقتارعا بايلانىستى كورە المادىم. سول كەزدە شەتەلدەگى ارىپتەستەرىم اۋىر اتلەتيكا جارىسىنىڭ تىكەلەي ءەفيرىنىڭ سىلتەمەسىن جىبەردى. الايدا ءبىراز جەرىن وتكىزىپ العاندىقتان، دەر كەزىندە اقىل- كەڭەسىمدى بەرە المادىم.

دەگەنمەن ۇلتتىق قۇرامانىڭ باس باپكەر رەتىندە العاشقى وليمپياداسىنا سپورتشىلاردى باستاپ بارعان باقىت احمەتوۆ پەن ءۇش وليمپيادانى كوزىمەن كورگەن، چينشانلونىڭ جەكە باپكەرى ۆيكتور ني ەكەۋى جۇلقي جانە سەرپي كوتەرۋدە جاقسى تاكتيكا قويىپ بەردى. ءوز باسىم جازعى ويىندارعا التى رەت بارعام. ءبىراق مۇنداي ادىلەتسىزدىك العاش كورۋىم. ءزۇلفيانىڭ كوتەرگەن بەس مۇمكىندىگىنىڭ ۇشەۋىن ەسەپكە الماۋ دەگەنىڭىز - ءبىزدىڭ قۇراماعا جاسالعان قىسىم. يگور سونعا دا ۇيىمداستىرۋشىلار تاراپىنان قىسىم بولدى. سوعان قاراماستان توكيوعا بارعان ەكى سپورتشىمىزدىڭ ەكەۋى دە مەدالمەن ورالدى. سپورتشىلارىمىز كوماندانىڭ الدىنا قويعان ماقساتىن ورىنداپ شىقتى»، - دەيدى ني Vesti.kz تىلشىسىنە بەرگەن سۇحباتىندا.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات