بەنزين قۇيىلعان بوتەلكە ۇستاپ، ءوزىن ورتەمەك بولعان اتىراۋلىق ۇستالدى
وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 28 شىلدەدە تاڭعى ساعات 6:00 شاماسىندا 32 جاستاعى جىگىت ماس كۇيدە اتىراۋ قالالىق پروكۋراتۋراسىنا كەلگەن.
«ماساڭ كۇيدەگى جىگىت قولىنا بەنزين قۇيىلعان بوتەلكە ۇستاپ، ءوزىن ورتەپ جىبەرەمىن دەپ قورقىتقان. پاترۋلدىك پوليتسيا قىزمەتكەرلەرى 1989 -جىلى تۋعان ازاماتتى اتىراۋ قالالىق پوليتسيا باسقارماسىنا جەتكىزدى. ءقازىر ۇستالعان ازاماتقا قاتىستى ق ر قىلمىستىق كودەكسىنىڭ 105-بابىنىڭ 1-بولىگىمەن سوتقا دەيىنگى تەرگەۋ باستالدى. سونداي- اق، ق ر اكىمشىلىك قۇقىقبۇزۋشىلىق تۋرالى كودەكسىنىڭ 434 جانە 667-بابىمەن اكىمشىلىك حاتتامالار تولتىرىلدى» - دەپ حابارلادى دەپارتامەنتتىڭ باسپا ءسوز قىزمەتى.
ەسكە سالا كەتەلىك، بۇدان بۇرىن اتىراۋدا ىشىمدىك ءىشىپ الىپ، ءوزىن ولتىرمەك بولعان 33 جاستاعى تۇرعىن قۇتقارىلعان ەدى.