+7 (701) 759 90 19
8 °С : نۇر-سۇلتان
20 °С : الماتى
USD 423.95 EUR 495.81
RUB 5.84 CNY 65.6
جاڭالىقتار

سولتۇستىك قازاقستاندا ءىرى قارا مال بەلگىسىز اۋرۋدان قىرىلدى

29 شىلدە 18:47
:ءبولىسۋ
سولتۇستىك قازاقستاندا ءىرى قارا مال بەلگىسىز اۋرۋدان قىرىلدى

پەتروپاۆل. قازاقپارات - سولتۇستىك قازاقستان وبلىسى ءۋاليحانوۆ اۋدانى مورتىق اۋىلىندا تۇرعىنداردىڭ ونشاقتى بۇزاۋى بەلگىسىز اۋرۋدان ءولدى، دەپ حابارلايدى قازاقپارات ءتىلشىسى.

س ق و ۆەتەريناريا باسقارماسىنىڭ ءبولىم باسشىسى قايىرلى قازانوۆتىڭ ايتۋىنشا، 21 -شىلدە كۇنى ءۋاليحانوۆ اۋدانى مورتىق اۋىلىندا بىرنەشە ءىرى قارا مالدىڭ ولگەنى جونىندە تەلەفون حابارلاماسى تۇسكەن. 22-شىلدە كۇنى وقيعا ورنىنا ۆەتەرينارلىق قىزمەت ماماندارى بارىپ، ەپيزووتيكالىق تەكسەرۋ جۇرگىزدى. ارام ولگەن 7 بۇزاۋدىڭ ولەكسەسى تابىلدى.

«ۆەتەرينارلار بارعاندا مال ءىسىنىپ، بۇزىلا باستاعان ەكەن. مۇنداي جاعدايدا مالدىڭ نەدەن ولگەنىن انىقتاۋ مۇمكىن ەمەس، ويتكەنى اۋرۋدى انىقتاۋ ءۇشىن سىناما مال ولگەننەن كەيىن 2-3 ساعاتتىڭ ىشىندە الىنۋى كەرەك. سوندىقتان تەك قانا بولجام جاساپ وتىرمىز. مال شوپتەن ۋلانعان نەمەسە پاستەرەللەز بولۋى مۇمكىن»، - دەيدى قايىرلى قازانوۆ.

مورتىق اۋىلىندا 600 باس قارا مال، 2 مىڭعا جۋىق قوي- ەشكى جانە 800 گە جۋىق جىلقى بار. تۇرعىندار تۇلىكتى اۋىلدان 7 شاقىرىم جەردەگى جايىلىمدا باعادى ەكەن. ماماندار ولگەن مالدى جاعىپ، ورنىن ديزولدىڭ %1,5 دىق ەرىتىندىسىمەن زالالسىزداندىردى.

سونداي- اق اۋرۋ تارالماۋى ءۇشىن ەمفيزەمالى كورشيقانعا، ياعني قاراسانعا قارسى 400 قارا مالعا ەكپە ەگىلگەن. ۆەتەرينارلار جاعدايدى باقىلاۋدا ۇستاپ وتىر، ازىرگە مال قىرىلۋىنىڭ جاڭا جاعدايلارى تىركەلگەن جوق.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات