18:05, 29 - شىلدە 2021 | GMT +6
ۆاسيلي ليەۆيت سپورتتاعى مانسابىن اياقتاۋى مۇمكىن بە
نۇر- سۇلتان. قازاقپارات - قسپورت جانە دەنە شىنىقتىرۋ ىستەرى كوميتەتىنىڭ ءتوراعاسى سەرىك ساپيەۆ قازاقستاندىق بوكسشى ۆاسيلي ليەۆيتتىڭ سپورتتىق مانسابى تۋرالى سۇراقتارعا جاۋاپ بەردى، دەپ حابارلايدى قازاقپارات ءتىلشىسى.
ونىڭ ايتۋىنشا، ءۆاسيليدىڭ ءوزى بۇل تۋرالى ەشتەڭە ايتپاعان.
«قازاقستانعا كەلگەن سوڭ مەن ونىمەن سويلەسەمىن. ەگەر سپورتتاعى مانسابىن اياقتاعىسى كەلسە، ءبىز وعان الداعى جۇمىسقا ورنالاسۋىنا بارىنشا كومەك كورسەتەمىز»، - دەدى س. ساپيەۆ ورتالىق كوممۋنيكاتسيالار قىزمەتىندە بريفينگتە.
ايتا كەتەيىك، توكيو وليمپياداسىندا ۆاسيلي ليەۆيت العاشقى كەزدەسۋىندە يسپانيالىق ەممانۋەل رەيەس پلادان نوكاۋتپەن جەڭىلدى. ال تانىمال بوكسشى ەرماحان ىبىرايىموۆ ۆاسيلي ليەۆيتتىڭ جەڭىلۋىنە رينگ تورەشىسى كىنالى دەپ ەسەپتەيدى.