+7 (701) 759 90 19
7 °С : نۇر-سۇلتان
°С : الماتى
USD 423.91 EUR 497.37
RUB 5.82 CNY 65.59
جاڭالىقتار

شەگەدە تۇرۋدىڭ دەنساۋلىققا قانداي پايداسى بار؟

29 شىلدە 14:03
:ءبولىسۋ
شەگەدە تۇرۋدىڭ دەنساۋلىققا قانداي پايداسى بار؟

نۇر- سۇلتان. قازاقپارات - الماتىلىق ساۋلە تورەحانوۆا شەگەدە تۇرىپ، كوڭىل- كۇيىن كوتەرەدى. شىمىر قىزدىڭ ايتۋىنشا تاڭەرتەڭگى مۇنداي 5 مينۋتتىق جاتتىعۋدىڭ اسەرى ءبىر شىنىاياق كوفەدەن كۇشتى.

ادامنىڭ بىردەن ۇيقىسىن اشىپ، تەز سەرگىتەدى. قازىر مەگاپوليستە ءدال وسى ادىسپەن جاتتىعاتىندار كوبەيىپ كەلەدى.

- باستىسى - دەنساۋلىققا پايداسى زور. جۇيكە جۇيەسى مەن قان اينالىمىن جاقسارتادى. پاندەميا كەزىندە شەگەگە اياق باسقانداردىڭ ەشقايسىسى اۋرۋ جۇقتىرماعان. العاشىندا شەگە قاعىلعان تاقتايشاعا شىعۋ مۇمكىن ەمەس سياقتى كورىنەدى. كەيىن بىرتىندەپ دەنەڭىز ۇيرەنەدى. باسىندا 30 سەكۋند قانا تۇرا الاسىز، - دەيدى ساۋلە تورەحانوۆا.

قازىر ول شەگە قاعىلعان تاقتايشانىڭ ۇستىندە ساعاتتاپ تۇرادى. بۇل جاتتىعۋدى كۇندەلىكتى جاساۋدى ادەتكە اينالدىرعان. ونىڭ پىكىرىنشە، شەگەدە تۇرۋ دەنەگە كۇش قۋات بەرەدى. قاندى رەتكە كەلتىرەدى. سابىرلىق ساقتاپ، اۋىرسىنۋ تۋرالى ويلاماساڭىز بولعانى.

ساۋلە تورەحانوۆا، قالا تۇرعىنى:

- ادام ءوز دەنەسىن بوساڭسىتقاندا ءارقيلى ارەكەتكە بارۋى مۇمكىن. ايعالاۋى نەمەسە كۇلۋى مۇمكىن. مەن ءوز باسىم العاش رەت شەگەگە شىققاندا قاتتى كۇلدىم. كەيىن دەنەم ۇيرەنىپ كەتتى. قازىر شەگەگە شىقپاي قالسام، ءبىر نارسە جەتپەي تۇرعانداي بولادى. ال وسى جاتتىعۋدى جاساسام، دەنەم راحاتتانىپ قالادى. كوڭىل- كۇيىم كوتەرىلەدى. مۇنىمەن تۇراقتى اينالىسقان ادام كۇيزەلىسكە ۇشىرامايدى. بۇل ءادىس ءبىزدىڭ ەلگە ءۇندىستاننان كەلدى.

جالاڭاياق شەگە قاعىلعان تاقتايشاعا شىعۋ - قاۋىپتى دەيتىندەر دە بولۋى مۇمكىن. ءبىراق شىن مانىندە ولاي ەمەس. تاقتايشاعا شەگە وتە ءجيى قاعىلعان. سوندىقتان اياققا كىرمەيدى. قايتا تىندەردى وياتىپ، اعزاعا وڭ اسەرىن تيگىزەدى.

ساۋلە تورەحانوۆا، قالا تۇرعىنى:

- ارينە، يممۋنيتەت جوعارىلايدى، زات الماسۋ جاقسارادى. ءتىپتى ارىقتاۋعا دا كومەكتەسەدى دەسەم، ارتىق ايتپاعان بولار ەدىم. ءوزىم كورىپ ءجۇرمىن. ءبىراز ادامدار ارتىق سالماقتان ارىلدى. ءبىراق بۇل ءادىستى تۇراقتى تۇردە قولدانىپ جۇرگەندە عانا ناتيجە بەرەتىنىن ەستەن شىعارماعان ءجون.

«ادامنىڭ تابانىندا 70 مىڭنان استام جۇيكە تالشىعى بار. ولار تىتىركەنگەندە كۇش بۇكىل دەنەگە جايىلادى. وسى ساتتە ءدىرىل پايدا بولادى»، - دەيدى ساۋلە.

كەز كەلگەن ادام شەگەگە تۇرا الادى. تەك وعان الدىن- الا بەيىمدەلىپ الۋ كەرەك. سونداي- اق شەگەدە 3 مينۋت تۇرۋ 10 شاقىرىم ءجۇرۋدى الماستىرادى دەگەن دەرەك بار.

www.24.kz


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات