+7 (701) 759 90 19
7 °С : نۇر-سۇلتان
°С : الماتى
USD 423.91 EUR 497.37
RUB 5.82 CNY 65.59
جاڭالىقتار

ۆاكسينا الماعان قىزمەتكەرلەر جۇمىستان قۋىلمايدى - اسقار ساقىپكەرەيەۆ

29 شىلدە 08:40
:ءبولىسۋ
ۆاكسينا الماعان قىزمەتكەرلەر جۇمىستان قۋىلمايدى - اسقار ساقىپكەرەيەۆ

پەتروپاۆل. قازاقپارات - سولتۇستىك قازاقستان وبلىسىندا كوروناۆيرۋسقا قارسى ۆاكسينا العانداردىڭ ىشىندە ءولىم جاعدايى تىركەلمەگەنىمەن، شىلدە ايىنان بەرى وڭىردە 15 ادام اۋرۋدان قايتىس بولدى، دەپ حابارلايدى قازاقپارات ءتىلشىسى.

س ق و اكىمىنىڭ ورىنباسارى اسقار ساقىپكەرەيەۆ وڭىرلىك كوممۋنيكاتسيالار قىزمەتى ۇيىمداستىرعان بريفينگكە قاتىسىپ، وڭىردەگى كوروناۆرۋسقا قاتىستى جاعداي بويىنشا تۇسىنىك بەردى.

«بۇعان دەيىن سوزىلمالى اۋرۋلارى بار ادامدار ءۇشىن قاۋىپتى دەپ كەلسەك، قازىر ك ۆ ي-دى يممۋنيتەتى جاقسى، مۇلدە اۋىرماعان ادامدار جۇقتىرىپ جاتىر. كوروناۆيرۋستان قايتىس بولعانداردىڭ جاستارى ءارتۇرلى، اراسىندا جاستان ەندى اسقان ءسابي دە بار. جاقىندا عانا 1996 -جىلى تۋعان، 25 جاستاعى جىگىت كوروناۆيرۋستان كوز جۇمدى. سوندىقتان مەن اۋىرمايمىن دەپ ارقانى كەڭگە سالۋعا بولمايدى. جالپى شىلدە ايىنان بەرى س ق و- دا 15 ادام قايتىس بولدى»، - دەيدى اسقار ساقىپكەرەيەۆ.

كوروناۆيرۋسپەن كۇرەستىڭ ەڭ ءتيىمدى جولى - ۆاكسيناتسيا. ەكپە العانداردىڭ اراسىندا 290 ادام ك ۆ ي جۇقتىرعانىمەن، ولار اۋرۋدى جەڭىل وتكەرىپ جاتىر. ستاتسيوناردا جاتقان 635 ادامنىڭ بارلىعى - ەكپە الماعاندار. س ق و- دا جەتكىلىكتى دەڭگەيدە ۆاكسينا بار. ەكپە پۋنكتەرىنىڭ سانى 100-دەن اسادى. دارىگەرلەر، مۇعالىمدەر، قۇقىق قورعاۋ ورگاندارى قىزمەتكەرلەرىنىڭ %80 ى ۆاكسيناتسيادان ءوتتى. 10 تامىزعا دەيىن قىزمەت كورسەتۋ سالاسىنىڭ ماماندارى پرەپاراتتىڭ ءبىرىنشى كومپونەنتىن الۋلارى ءتيىس. بۇل مەجەدەن كەيىن تەكسەرىستەر باستالادى.

«ەگەر ۆاكسيناتسيا پاسپورتى بولسا وندا ولار جۇمىسىن جالعاستىرا بەرەدى. ال ەگەر قۇجات بولماسا، وندا ءار اپتا سايىن پ ت ر تەستىلەۋدەن ءوتۋى كەرەك. ەگەر قاشىقتان جۇمىس ىستەۋگە مۇمكىندىك بولماسا، وندا جۇمىس بەرۋشى اقىسىز دەمالىسقا جىبەرەدى. جۇمىسشى قىزمەت ورنىنا تەك جاعداي تۇرعاقتالعاننان سوڭ عانا ورالا الادى. ەكپە الماعانى ءۇشىن ەشكىم جۇمىستان شىعارىلمايدى»، - دەيدى س ق و اكىمىنىڭ ورىنباسارى. س ق و- دا قازىرگى تاڭدا 191340 تۇرعىن ۆاكسينانىڭ ءبىرىنشى كومپونەنتىن، ال ەكىنشى كومپونەنتىن 130551 ادام الدى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات