18:32, 28 - شىلدە 2021 | GMT +6
قارقارالى اۋدانىنىڭ ەرىكتىلەرى شايتانكول جاعاسىن قوقىستان تازارتتى
قارقارالى. قازاقپارات - شايتانكول كولىنىڭ جاعالاۋ اۋماعىن تازارتۋ بويىنشا اكتسيا اۋداندىق ىشكى ساياسات ءبولىمى مەن قارقارالى جاستار رەسۋرستىق ورتالىعىنىڭ باستاماسىمەن ەرىكتىلەردى تارتا وتىرىپ وتكىزىلدى.
«شايتانكول - قارقارالى اۋدانىنىڭ ءىنجۋ- مارجانى. جىل سايىن كولدىڭ جاعاسىندا جۇزدەگەن تۋريستەر بولادى. وكىنىشكە وراي، ولار كوبىنەسە قوقىس تاستاپ كەتەدى. ءبىز مۇنى كورە تۇرا، قول قۋسىرىپ وتىرا المايمىز. سوندىقتان قوقىستى ءوز كۇشىمىزبەن جيناۋدى ءجون كوردىك»، - دەيدى ەرىكتىلەر.
كولدىڭ جاعالاۋ اۋماعىن تازالاۋعا JasStar جاساعىنىڭ ەرىكتىلەرى جانە «جاسىل ەل» جاستار جاساعىنىڭ ساربازدارى قاتىستى.
«ەرىكتىلەر كۇشىمەن كول اۋماعىنان قوقىس شىعارىلدى. اكتسياعا 15 ادام قاتىستى»، - دەدى قارقارالى اۋدانىنىڭ جاستار رەسۋرستىق ورتالىعىنىڭ ديرەكتورى ەرسايىن قوبلاندى.