بەس وڭىردە ناۋقاستارعا اۋرۋحانادان ورىن جەتپەي، توسەك- ورىن تاپشىلىعى بولۋى مۇمكىن

None
None
نۇر- سۇلتان. قازاقپارات - ەلدەگى ەكى ءىرى قالا مەن ءۇش وبلىستا ينفەكتسيالىق توسەك- ورىن تاپشىلىعى سەزىلۋ مۇمكىن، دەپ حابارلايدى قازاقپارات ءتىلشىسى.

بۇل تۋرالى دەنساۋلىق ساقتاۋ ءمينيسترى الەكسەي سوي ورتالىق كوممۋنيكاتسيالار قىزمەتىندە وتكەن بريفينگتە ايتتى.

«ەم الىپ جاتقان ناۋقاستاردىڭ سانى 2 ەسە كوپ. قازىر ەلىمىز بويىنشا 90 مىڭداي ادام اۋىرىپ جاتىر. ونىڭ 25 مىڭى - ستاتسيوناردا، 65 مىڭنان استامى امبۋلاتورلىق ەم الۋدا. شىلدەنىڭ باسىنداعى جاعدايمەن سالىستىرعاندا اۋىر جاعدايمەن تۇسكەندەردىڭ سانى ەكى ەسە كوبەيدى. 1000-عا جۋىق ناۋقاس وكپەنى جاساندى جەلدەتۋ اپپاراتىندا جاتىر»، - دەدى دەنساۋلىق ساقتاۋ ءمينيسترى.

ۆەدومستۆو باسشىسى ينفەكسيالىق جانە رەانيماتسيالىق توسەك- ورىن تاپشىلىعى سەزىلۋى مۇمكىن وڭىرلەردى اتادى.

«ونىڭ ۇستىنە ءبىرقاتار وڭىردە ينفەكتسيالىق جانە رەانيماتسيالىق توسەكتەردىڭ تاپشىلىعى بولۋى مۇمكىن. تاۋەكەل ايماعىندا نۇر- سۇلتان، شىمكەنت قالالارى، اقتوبە، اقمولا، قىزىلوردا وبلىستارى تۇر. بىرنەشە ءوڭىردىڭ دەنساۋلىق ساقتاۋ جۇيەسى جوعارى جۇكتەمەمەن جۇمىس ىستەپ جاتىر»، - دەدى مينيستر.


سوڭعى جاڭالىقتار