وقۋشىلار ءبىرىنشى توقساندا قانداي فورماتتا وقيدى
ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم كوميتەتى ءتوراعاسىنىڭ ورىنباسارى جومارت قارامبايەۆقا ورتالىق كوممۋنيكاتسيالار قىزمەتىندە ب ا ق وكىلدەرى وسىنداي ساۋال قويدى، دەپ حابارلايدى قازاقپارات ءتىلشىسى.
«بۇل ەپيدەميولوگيالىق جاعدايعا بايلانىستى. شەشىمدى كوروناۆيرۋستى تاراتپاۋ جونىندەگى ۆەدومستۆوارالىق كوميسسيا شىعارىپ، ول شەشىم مەملەكەتتىك سانيتارلىق دارىگەردىڭ قاۋلىسىمەن بەكىتىلەدى. ەپيدەميولوگيالىق جاعداي جاقسارعان كەزدە مينيسترلىك ءداستۇرلى وقىتۋ فورماتىنا كوشۋگە دايىن»، - دەگەن جومارت قارامبايەۆ قالىپتى وقۋ فورماتىنا اۋىسۋ ءۇشىن پەداگوگتەرگە ۆاكسينا الۋ تالابى قويىلمايتىنىن ايتتى.
«مۇنداي تالاپتار قويىلمايدى، مۇعالىمدەر ەرىكتى تۇردە ەكپە الىپ جاتىر. ەڭ باستىسى، ۇجىمدىق يممۋنيتەت قالىپتاسۋى كەرەك. سول ءۇشىن ۇستازداردىڭ 100 پايىز ۆاكسينا العانى ءجون بولار ەدى»، - دەدى ۆەدومستۆو وكىلى.
اۆتور: ەسىمجان ناقتىباي