سىرداريا وزەنىندە قالقىپ جۇرگەن ءمايىتتىڭ كىم ەكەندىگى انىقتالدى

None
None
قىزىلوردا. قازاقپارات - قىزىلوردا وبلىسىندا قۇتقارۋشىلار سىرداريا وزەنىندە قالقىپ جۇرگەن ءمايىتتى جاعاعا شىعاردى، دەپ حابارلايدى قازاقپارات ءتىلشىسى.

بەلگىسىز ادامنىڭ ءمايىتى قارماقشى اۋدانىنىڭ ورتالىعى جوسالى كەنتىندەگى «باتىس قىتاي- باتىس ەۋروپا» تاس جولىنىڭ بويىنا ورنالاسقان كوپىر ماڭىندا تابىلعان.

«رەيدتىك شارالار وتكىزىپ جۇرگەن توتەنشە جاعدايلار سالاسىنىڭ ماماندارى وزەن ۇستىنەن بەلگىسىز ادامنىڭ ءمايىتىن تاۋىپ، ونى جاعاعا شىعاردى»، - دەپ ءمالىم ەتتى وبلىستىق توتەنشە جاعدايلار دەپارتامەنتى ءورت ءسوندىرۋ جانە اۆاريالىق قۇتقارۋ جۇمىستارى قىزمەتىنىڭ مامانى ءاليا ەرەجەپوۆا.

كەيىننەن بەلگىلى بولعانىنداي، ونىڭ قارماقشى اۋدانىنىڭ 1984 -جىلعى تۇرعىنى ەكەندىگى انىقتالدى.

ەسكە سالساق ، بۇدان بۇرىن قىزىلوردادا 9 جاسار بالا بەلگىسىز جاعدايدا كانالعا باتىپ كەتكەنى حابارلانعان بولاتىن.


سوڭعى جاڭالىقتار