+7 (701) 759 90 19
5 °С : نۇر-سۇلتان
14 °С : الماتى
USD 423.91 EUR 497.37
RUB 5.82 CNY 65.59
جاڭالىقتار

ۆاكسينا جۇرەك اۋرۋلارى مەن ترومبوز تۋعىزىپ، ولىمگە دۋشار ەتەدى دەگەن راس پا

17 شىلدە 18:36
:ءبولىسۋ
ۆاكسينا جۇرەك اۋرۋلارى مەن ترومبوز تۋعىزىپ، ولىمگە دۋشار ەتەدى دەگەن راس پا

نۇر- سۇلتان. قازاقپارات - جەلىدە COVID-19-عا قارسى م ر ن ك ۆاكسيناسى بولاشاقتا ۆاكسيناتسيالانعان ادامداردا جۇرەك پروبلەمالارىن، ترومبوز تۋعىزادى جانە ولىمگە اكەلەدى دەگەن اقپارات تارادى.

بۇل مالىمەتتى Stopfake.kz جوققا شىعاردى، دەپ حابارلايدى قازاقپارات.

بۇنىڭ نەگە جالعان ەكەنىن مەديتسينا عىلىمدارىنىڭ دوكتورى، پروفەسسور، ق ر د س م دارىلىك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعىنىڭ ساراپشىسى الەكساندر گۋليايەۆ ءتۇسىندىردى. حابارلاما اۆتورلارى م. ع. د. چارلز حوففەنىڭ زەرتتەۋىنە سۇيەنەدى. الدىمەن، كانادالىق وتباسىلىق دارىگەر چارلز حوففە COVID-19 قارسى ۆاكسينا تۋرالى فەيك پەن عىلىمعا قارسى بولجامدار تاراتۋشى رەتىندە بىرنەشە رەت بايقالعانىن اتاپ وتكەنىمىز ءجون.

ونىڭ سويلەگەن سوزدەرىنىڭ ءبىرى ۆاكسينالار «گەندىك موديفيكاتسياسى بار تاجىريبەلىك تەراپيانىڭ ءبىر ءتۇرى بولىپ تابىلادى» دەگەن كەڭىنەن تاراعان جانە بىرنەشە رەت تەرىسكە شىعارىلعان تەورياعا ۇقساس. ەندى ساراپشىنىڭ پىكىرىنشە، نەگىزسىز جانە فيزيولوگيانىڭ نەگىزگى قاعيدالارىنا قايشى كەلەتىن حابارلاماداعى تەزيستەرگە توقتالايىق.

تەزيس № 1.

م ر ن ق ەكپەسى ونى سالدىرعانداردىڭ قانىنداعى مىڭداعان جىڭىشكە تامىرلاردى بىتەپ تاستايدى.

«زەرتحانالىق جانۋارلاردىڭ بىرنەشە تۇرىنە، سونىڭ ىشىندە مايمىلدارعا كلينيكاعا دەيىنگى زەرتتەۋلەر جۇرگىزىلدى، ءجىتى (ءبىر رەت ەگىلگەندە) جانە سوزىلمالى (كوپ رەت ەگىلگەن كەزدە) ۋىتتىلىعى زەرتتەلدى. ءبىر دە ءبىر جاعدايدا ۆاكسينا سالدىرۋ كەزىندە ترومبوز انىقتالعان جوق، بارلىق ورگاندار مەن تىندەردى گيستولوگيالىق، ميكروسكوپيالىق زەرتتەۋ كەزىندە جىڭىشكە تامىرلاردىڭ «بىتەلۋى» بايقالماعان. ميكروسكوپيالىق تىندەردى زەرتتەۋ كەزىندە جىڭىشكە جانە ۇساق تامىرلاردىڭ ميكروترومبياسىن كورمەي قالۋ مۇمكىن ەمەس. بارلىق تىركەلگەن ۆاكسينالاردىڭ كلينيكاعا دەيىنگى زەرتتەۋلەر تۋرالى ەسەپتەرىندە مۇنداي جازىلماعان. 40 مىڭنان استام ەرىكتىگە جۇرگىزىلگەن كلينيكالىق زەرتتەۋلەردە (Pfizer ۆاكسيناسى) ترومبوەمبوليا تىركەلمەگەن. كلينيكالىق تاجىريبەدە پاتسيەنتتەر سانى ميللياردقا جۋىقتادى - دوكتور حوففە بولجاعان اسەر جوق»، - دەيدى پروفەسسور الەكساندر گۋليايەۆ.

تەزيس №2.

چارلز حوففەنىڭ ايتۋىنشا، ۆاكسينا اسەرى ترومبتاردىڭ پايدا بولۋىنا اكەلەدى: مەن ايتىپ وتىرعان ۇيىعان قان ميكروسكوپيالىق جانە سكانەرلەۋگە جاتپايدى. سوندىقتان ولاردى تەك D- ديمەر تەستىمەن عانا انىقتاۋعا بولادى.

«دارىگەر ۆاكسيناتسيالانعانداردىڭ %62 ىندا D- ديمەر دەڭگەيىنىڭ كوتەرىلگەنىن انىقتادى، ءبىراق قاراپايىم نارسەلەردى سيپاتتامايدى: D- ديمەردى انىقتاۋعا نەشە پاتسيەنت تارتىلدى جانە قابىنۋ مەن ترومبتاردىڭ قالىپتاسۋىنىڭ باسقا ماركەرلەرىندە وزگەرىستەر بولدى ما. سونىمەن قاتار، ونداعان مىڭ ەرىكتىگە ۆاكسينالاردى كلينيكالىق زەرتتەۋلەر جۇرگىزىلگەندە ەكپە ەگۋ كەزىندە ۇقساس جاعدايلاردىڭ تىركەلمەگەنى بەلگىلى»، - دەيدى مەديتسينا عىلىمدارىنىڭ دوكتورى الەكساندر گۋليايەۆ.

تەزيس № 3.

بىرەۋدىڭ قولىنا ەگىلگەن ۆاكسينانىڭ تەك 25 پايىزى عانا سول جەردە قالادى. قالعان 75 پايىزى ليمفا جۇيەسىنە ءسىڭىپ، اقپاراتتىق ر ن ق- نىڭ وسى ۇساق پاكەتتەرىن ءسىڭىرۋ ارقىلى قانعا ەنەدى.

«دوكتور حوففە بۇلشىقەتكە جاسالعان ينەكسيانىڭ ءسىڭۋ فيزيولوگياسىن جاقسى تۇسىندىرەدى: پرەپاراتتىڭ ءبىر بولىگىن ەگىلگەننەن كەيىن سول جەردە ماكروفاگتار ۇستاپ قالادى، ءبىراق كوپ بولىگى ليمفا جۇيەسىنە وتەدى، وندا دا ماكروفاگتار، ياعني يممۋندىق جۇيە جاسۋشالارى سىڭىرەدى. بۇعان قان اعىمىنىڭ قاتىسى بار ما؟ جىڭىشكە تامىرلار مەن قان تامىرلارىنىڭ ەندوتەلي جاسۋشالارى ۆاكسينانى سىڭىرە المايدى، مۇنداي قاسيەتى جوق. بۇل - فيزيولوگياعا قايشى كەلەتىن دالەلدەنبەگەن مالىمدەمە»، - دەپ ءتۇسىندىردى ساراپشى.

تەزيس № 4.

كوروناۆيرۋس جاعدايىندا بۇل جابىسقاق اقۋىز ۆيرۋستىق كاپسۋلانىڭ ءبىر بولىگىنە اينالادى. بىلايشا ايتقاندا، ۆيرۋستىڭ اينالاسىنداعى جاسۋشا قابىرعاسىنىڭ بولىگى. ءبىراق ماسەلە ۆيرۋستا ەمەس. جاسۋشاڭىزدا. وسىلايشا، ول تامىر ەندوتەليىنىڭ جاسۋشا قابىرعاسىنىڭ بولىگى بولادى. تىكەنەك اقۋىزداردىڭ ترومب تۋدىرۋى مۇمكىن ەكەنى ءمالىم.

«ۆاكسينانىڭ م ر ن ق- مەن سينتەزدەلگەن سپايك اقۋىز - بۇل ۆيرۋس اقۋىزى، بۇل ادام ءۇشىن بوگدە اقۋىز، وعان قورعانىس انتيدەنەلەرى قالىپتاسادى، ول ادام جاسۋشالارىنىڭ قابىعىنا ەنە المايدى، بۇل بوتەن زات. چارلز حوففە شاتاستىرىپ وتىرعانى انىق. جالپى العاندا، جاريالانىم «عىلىمعا جاقىن» تەرمينولوگيانى قولدانا وتىرىپ، سانالى تۇردە الداۋ مەن ارانداتۋ سياقتى وي قالىپتاسادى»، - دەپ قورىتىندىلادى الەكساندر گۋليايەۆ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات