نۇر-سۇلتاندا ايت نامازى وقىلمايدى جانە قۇرباندىق شالاتىن ورىندار جابىلادى

None
None
نۇر-سۇلتان. قازاقپارات - 20-شىلدە كۇنى نۇر-سۇلتان قالاسىنىڭ مەشىتتەرىندە ءداستۇرلى ايت نامازى وتكىزىلمەيدى.

بۇل تۋرالى ەلوردانىڭ ءدىن ىستەرى جونىندەگى باسقارما باسشىسى نۇرداۋلەت ءالمۇحانوۆ ايتىپ بەردى، دەپ حابارلايدى قازاقپارات ءتىلشىسى.

«بارشا نۇر-سۇلتان قالاسىنىڭ تۇرعىندارى مەن قوناقتارىن كەلە جاتقان قاسيەتتى قۇربان ايت مەرەكەسىمەن قۇتتىقتايمىن. 2021 -جىلى قۇربان ايت ءدىني مەرەكەسى 20-22-شىلدە ارالىعىندا وتەدى. سانيتارلىق- ەپيدەميولوگيالىق جاعدايعا بايلانىستى 20-شىلدە كۇنى بارلىق مەشىتتە ءداستۇرلى ايت نامازى وتكىزىلمەيدى»، - دەدى ن. ءالمۇقانوۆ نۇر-سۇلتان قالاسىنىڭ اكىمدىگىندە وتكەن بريفينگتە.

ونىڭ ايتۋىنشا، نۇر-سۇلتان قالاسىندا قۇربان ايت مەرەكەسىندە قۇرباندىق شالۋ بىلتىرعىداي ونلاين فورماتتا قازاقستان مۇسىلماندارى ءدىني باسقارماسىنىڭ qurban2021.kz سايتى ارقىلى جۇرگىزىلەدى. «سانيتارلىق- ەپيدەميولوگيالىق قاۋىپسىزدىك شارالارىن ساقتاۋ جانە ادامداردىڭ كوپ مولشەردە جينالماۋىن قامتاماسىز ەتۋ ماقساتىندا جىلدا قۇرباندىق شالۋ راسىمدەرى وتەتىن بازارلار مەن شارۋا قوجالىقتارىنىڭ جۇمىسى قۇربان ايت مەرەكەسى كەزىندە توقتاتىلادى. ءوزىمىزدى جانە جاقىندارىمىزدى قاۋىپ- قاتەردەن قورعايىق»، - دەيدى باسقارما باسشىسى.

اۆتور: ايجان سەرىكجان قىزى


سوڭعى جاڭالىقتار