فۋتبول: «اقجايىق» سىرت الاڭدا «قىزىلجاردان» باسىم ءتۇستى

وسىنىڭ الدىندا ءۇش رەت قاتارىنان جەڭىلىس تاپقان «اقجايىق» قالايدا جانكۇيەرلەرىنىڭ كوڭىلىنەن شىعۋعا تىرىسىپ باقتى. ءبىر جاقسىسى، جاراقاتىنان ايىققان ۋكراينالىق قاقپاشى سەرگەي ليتوۆچەنكو قايتىپ ورالدى.

ءبىرىنشى تايمدا قوس كوماندا پالەندەي ونەر كورسەتە العان جوق. ەكىنشى تايمدا 50-مينۋتتا ورالدىق يۆان انتيپوۆ ەسەپ اشتى - 1:0.

بۇدان كەيىن كوماندالار قانشا شابۋىلعا شىعىپ كورگەنمەن، ەسەپ وزگەرگەن جوق. ءبىرىنشى اينالىمدا ورالدا «قىزىلجار» 1:0 ەسەبىمەن جەڭىسكە جەتكەن ەدى. «اقجايىق» سونىڭ ەسەسىن قايىردى.

ۋكراينالىق مامان ۆلاديمير مازياردىڭ شاكىرتتەرى 24 ۇپايمەن تۋرنير كەستەسىندە ءتورتىنشى ورىنعا قايتا كوتەرىلدى.

ەسكە سالا كەتەيىك، بۇدان بۇرىن «اقجايىقتىڭ» ءوز الاڭىندا «ورداباسىعا» ەسە جىبەرگەنىن جازعان بولاتىنبىز.