18:29, 18 - ماۋسىم 2021 | GMT +6
ەرمەك مارجىقپايەۆ ارشالى جانە سەلينوگراد اۋداندارىنا كوگىلدىر وتىن تارتۋ تۋرالى ايتتى
نۇر- سۇلتان. قازاقپارات - اقمولا وبلىسىنىڭ اكىمى ەرمەك مارجىقپايەۆ ءوڭىر ەلدى مەكەندەرىن گازبەن قامتاماسىز ەتۋگە قاتىستى ايتتى، دەپ حابارلايدى قازاقپارات ءتىلشىسى.
«ارشالى جانە سەلينوگراد اۋداندارىنىڭ 20 ەلدى مەكەنىن گازبەن قامتاماسىز ەتۋ بويىنشا جۇمىس جالعاسىپ جاتىر. كوگىلدىر وتىنعا قوسىلۋ مۇمكىندىگىنە اۋىلدىق جەردەگى 35 مىڭنان استام ادام يە بولادى»، - دەدى ە. مارجىقپايەۆ ورتالىق كوممۋنيكاتسيالار قىزمەتىندە.
ونىڭ ايتۋىنشا، قازىرگى كەزدە 100 مىڭنان استام تۇرعىنى بار سەلينوگراد اۋدانىنىڭ تاعى 8 ەلدى مەكەنىنە گاز تارتۋعا جوبالىق قۇجاتناما دايىندالىپ جاتىر.
«ەكىنشى كەزەكتەگى قۇرىلىس- مونتاجداۋ جۇمىستارى 2022 -جىلى باستالىپ، كەزەڭ- كەزەڭمەن 2023 -جىلى اياقتالادى. گازبەن قامتاماسىز ەتۋ ماسەلەسى وبلىس اكىمدىگىنىڭ ەرەكشە باقىلاۋىندا تۇر»، - دەدى ول.
اۆتور: رۋسلان عابباسوۆ