07:02, 18 - ماۋسىم 2021 | GMT +6
قوردايداعى «قۇبىجىق» تۋرالى ۆيدەو جالعان - پوليسيا
تاراز. قازاقپارات - الەۋمەتتىك جەلىدە تاراعان جامبىل وبلىسى قورداي اۋدانىنداعى «قۇبىجىق» تۋرالى ۆيدەو جالعان بولىپ شىقتى، دەپ حابارلايدى قازاقپارات ءتىلشىسى.
قورداي اۋدانىندا «تۇسىنىكسىز قۇبىجىق» تۋرالى تاراعان ۆيدەوعا قاتىستى جامبىل وبلىستىق پوليسيا دەپارتامەنتىنىڭ باسپا ءسوز قىزمەتى حابارلاما جاسادى.
اعىمداعى جىلدىڭ 16 ماۋسىمىندا ينتەرنەت جەلىسىندە بەينەجازبا جاريالانىپ، ونىڭ اۆتورى قورداي اسۋىندا بەلگىسىز جانۋاردى (قۇبىجىق) قاعىپ كەتكەنى تۋرالى اقپارات تاراتقان. تەكسەرۋ بارىسىندا جامبىلدىق پوليسەيلەر روليكتىڭ شىندىققا جاناسپايتىنىن انىقتادى.
«بۇل بەينەجازبا 2020 -جىلى ا ق ش- تا تۇسىرىلگەن بولىپ شىقتى. وندا امەريكاندىق اۆتور دجوزەف- روب كوباسكيدىڭ @robcobasky 3D- سكۋلپتۋرا ءمۇسىنى بەينەلەنگەن» دەلىنگەن ۆەدومستۆو حابارلاماسىندا.
جامبىل وبلىسىنىڭ پوليسيا دەپارتامەنتى كورىنەۋ جالعان اقپارات تاراتقانى ءۇشىن قىلمىستىق جاۋاپكەرشىلىك قاراستىرىلعانىن ەسكەرتەدى.