الماتىدا پوليتسەيلەردىڭ كولىك قۋعان ءساتى ۆيدەوعا ءتۇسىپ قالدى

الەۋمەتتىك جەلىلەردە الماتى داڭعىلدارىنىڭ بىرىندە كولىكتىڭ ارتىنان قۋعان پوليتسەيلەردىڭ ۆيدەوسى جاريالاندى. بەينەجازبادان كولىك جۇرگىزۋشىسى ارتپەن قوزعالىپ بارا جاتقانىن كورۋگە بولادى.

«رىسقۇلوۆتاعى ەكشەن: جۇرگىزۋشى پوليتسەيلەردەن قاشقان، ءبىراق دوڭگەلەگى ۇشىپ كەتىپ، ونى ءۇش پاترۋل ەكيپاجى ۇستاپ الدى»، - دەلىنگەن جاريالانىمدا.

پوليتسيا دەپارتامەنتى باسپا ءسوز قىزمەتىنىڭ مالىمەتىنشە، وقيعا 14- ماۋسىمعا قاراعان ءتۇنى الماتىنىڭ الاتاۋ اۋدانىندا بولعان. «Toyota Camry» ماركالى اۆتوكولىگىنىڭ جۇرگىزۋشىسى پاترۋل ەكيپاجىنىڭ توقتاۋ تۋرالى تالابىنا باعىنبادى. جاسىرىنۋعا تىرىستى، ءبىراق ونى بۇعاتتادى. كولىك تىزگىنىندە 1966 -جىلعى ا. ەسىمدى ەر ادام بولدى. ول اكىمشىلىك قۇقىق بۇزۋشىلىق تۋرالى كودەكستىڭ ەكى بابى، 606-باپتىڭ 1-بولىگى جانە 595-باپتىڭ 2-بولىگى بويىنشا جاۋاپقا تارتىلدى»، - دەپ حابارلادى الماتى قالالىق پ د باسپا ءسوز قىزمەتى.

اۆتور: الما مۇقانوۆا