قاسىم- جومارت توقايەۆ «لۋكويل» مۇناي كومپانياسىنىڭ پرەزيدەنتىن قابىلدادى
مەملەكەت باسشىسىنا مۇناي كومپانياسىنىڭ قازاقستانداعى قازىرگى جۇرگىزىپ جاتقان جۇمىستارى مەن ەلىمىزدىڭ كومىرسۋتەگى سەكتورىندا جۇزەگە اسىرىلىپ جاتقان ءبىرقاتار بىرلەسكەن جوبالاردىڭ پەرسپەكتيۆاسى تۋرالى ەسەپ بەرىلدى.
پرەزيدەنتكە كومپانيانىڭ كاسپي تەڭىزى قايراڭىنداعى «جەڭىس» جانە «ءال- فارابي» مۇناي جوبالارىنداعى گەولوگيالىق بارلاۋ جۇمىستارىنىڭ بارىسى تۋرالى ايتىلدى. بۇدان بولەك قاسىم- جومارت توقايەۆقا بىلتىر الماتى وبلىسىندا ىسكە قوسىلعان «لۋكويل» زاۋىتىنىڭ جۇمىسى تۋرالى باياندالدى.
كومپانيا باسشىسىنىڭ ايتۋىنشا، بۇگىندە زاۋىت ءارتۇرلى جاعارماي ماتەريالدارىنىڭ 800-گە جۋىق ءتۇرىن ءوندىرىپ، وڭىردەگى ەلدەرگە ەكسپورتتايدى. سونىمەن قاتار ۆاگيت الەكپەروۆ مەملەكەت باسشىسىنا الەمدىك مۇناي نارىعىنىڭ قازىرگى جاعدايى مەن باعا بەلگىلەۋدىڭ پەرسپەكتيۆاسىنا قاتىستى «لۋكويل» كومپانياسىنىڭ ۇستانىمى تۋرالى ايتتى.
قاسىم- جومارت توقايەۆ رەسەيلىك كومپانيانىڭ الەۋمەتتىك ماڭىزى بار جوبالاردى ىسكە اسىرۋعا اتسالىسىپ وتىرعانىن ەرەكشە اتاپ ءوتىپ، ونىڭ قازاقستان مۇناي- گاز سەكتورىن دامىتۋعا قوسقان ۇلەسىن جوعارى باعالادى.