بيىل كاسىپتىك- تەحنيكالىق كوللەدجدەرگە ەمتيحانسىز تۇسۋگە بولادى

بۇل تۋرالى نۇر- سۇلتان قالاسى ءبىلىم بەرۋ باسقارماسى باسشىسىنىڭ ورىنباسارى ريمما يمانعازينوۆا اكىمدىكتىڭ باسپا ءسوز ورتالىعىندا ايتتى، دەپ حابارلايدى قازاقپارات ءتىلشىسى.

«تەحنيكالىق جانە كاسىپتىك ءبىلىم بەرۋ ۇيىمدارىنا قابىلداۋ 25 - ماۋسىمنان باستالادى. قۇجاتتار ەكى جولمەن - «ەلەكتروندى ۇكىمەت» ۆەب- پورتالى نەمەسە تىكەلەي كوللەدجگە جۇگىنۋ ارقىلى ىسكە اسىرىلادى. تالاپكەرلەر 4 وقۋ ورنىنا دەيىن، 4 ماماندىق پەن بىلىكتىلىككە دەيىن تاڭداۋ ارقىلى ورتا بۋىن جانە قولدانبالى باكالاۆريات ماماندىقتارىنا ءوتىنىش بەرە الادى. بۇل تالاپكەرلەرگە مەملەكەتتىك تاپسىرىس بويىنشا ورىن الۋعا مۇمكىندىك بەرەدى. بيىل ءتۇسۋ ەمتيحاندارى الىنىپ تاستالادى. ال كونكۋرس ورتاشا بالل بويىنشا اقپاراتتىق جۇيە ارقىلى اۆتوماتتاندىرىلعان رەجيمدە وتكىزىلەدى»، - دەدى باسقارما وكىلى.

دەگەنمەن ماماننىڭ ايتۋىنشا، پەداگوگيكالىق، مەديتسينالىق ماماندىقتار بويىنشا كاسىپتىك- تەحنيكالىق ءبىلىم الۋشىلار ەمتيحاننان مۇلدەم بوساتىلمايدى.

«پەداگوگيكالىق، مەديتسينالىق ماماندىقتار بويىنشا سونداي- اق، ارنايى جانە شىعارماشىلىق ەمتيحانداردى پسيحومەتريالىق تەستىلەۋدە تاپسىراتىن ونەر جانە مادەنيەت ماماندىقتارى بويىنشا تۇسۋشىلەرگە تالاپتار وزگەشە بولادى. جۇمىسشى بىلىكتىلىكتەرى، اسپاز، بالا كۇتۋشى، تىگىنشى، دانەكەرلەۋشى، سانتەحنيك ماماندىقتارى بويىنشا جانە «ەڭبەك» باعدارلاماسى اياسىندا ءوتىنىش بەرەتىن تالاپكەرلەر كونكۋرستان تىس كوللەدجدەرگە سۇحباتتاسۋ ارقىلى وتەدى»، - دەدى ريمما يمانعازينوۆا.

اۆتور: ەسىمجان ناقتىباي