الماتىنىڭ دونور- رەكوردسمەندەرى كىم

None
None
الماتى. قازاقپارات – 14-ماۋسىم - دۇنيەجۇزىلىك قان دونورلارى كۇنى. رەسپۋبليكالىق قان ورتالىعىنىڭ ماماندارى دونور- رەكوردسمەندەر تۋرالى ايتىپ بەردى، دەپ حابارلايدى قازاقپارات ءتىلشىسى.

قان ورتالىعىنىڭ مالىمەتىنشە، قان دونورى بولۋ - ەرىكتى شارا. حالىقارالىق زەرتتەۋلەرگە سايكەس، ءبىر رەت قان وتكىزۋ ارقىلى ادامدار ورتا ەسەپپەن ءۇش ادامعا كومەك كورسەتەدى. ودان بولەك، ۇدايى تۇردە قان وتكىزىپ وتىرۋ ارقىلى ادامدار ءوز ءومىرىن 5-7 جىلعا ۇزارتادى.

2021 -جىلدىڭ باسىنان بەرى الماتى قالاسىنداعى رەسپۋبليكالىق قان ورتالىعىندا 4093 ليتر قان جانە ونىڭ كومپونەنتتەرى جينالدى. تۇراقتى دونورلاردىڭ اراسىندا ءبىرقاتار الماتىلىق بار. سولاردىڭ ءبىرى - نۇرتۋعان اقمىرزايەۆ. ول 82 دوناتسيا جاسادى: قان – 22، پلازما جانە ترومبوتسيتتەر دونورلىعى - 60. ال، دينارا تۇرعاليەۆا 84 دوناتسيا جاسادى. ونىڭ ىشىندە قان - 20؛ پلازما، ترومبوتسيتتەر دونورلىعى - 51.

قامقور دونور - مۇحتار زەينۋللادا 40 دوناتسياسى بار. قان دونورلىعى – 8، پلازما، ترومبوتسيتتەر دونورلىعى - 32. سونىمەن قاتار، 61 دونورلىق جاساعان كەلەسىم راكمىشيەۆ قان مەن ونىڭ كومپونەنتتەرىن تاپسىرۋ بويىنشا رەكوردسمەن اتاندى. قان دوناتسياسى – 28، پلازما، ترومبوتسيتتەر دونورلىعى - 33.

ترومبوتسيتتەردى دونورلىق ەتۋدىڭ رەكوردشىسى - اسقار نۇرتايەۆ. 52 دونورلىق: قان - 25؛ پلازما، ترومبوتسيتتەر دونورلىعى - 27 .

سيرەك توپتار اراسىنداعى رەكوردشى - ەۆگەني سامسونوۆ. ونىڭ 51 دوناتسياسى بار. قان – 40، پلازما جانە ترومبوتسيتتەر - 11.

رەسپۋبليكالىق قان ورتالىعى وتباسىلىق دونورلاردى اتادى. بۇل - قارابەكوۆتار، ەۆفيموۆتار، اسەنحانوۆتار، سايتوۆتار جانە ليتۆينەنكو جانۇيالارى. بۇل تىزىمدە دونورلىق اكسيا ۇيىمداستىراتىن كوپتەگەن ۇيىم بار.

قان ورتالىعىنىڭ مالىمەتىنشە، اسلان ساۋلەت ۇلى ەڭ جاس بەلسەندى دونور بولدى. ول 18 جاسىندا 18 رەت قان تاپسىردى. قان دونورلىعى – 7، پلازما جانە ترومبوتسيتتەر - 18.

«18 جاستان اسقان كەز كەلگەن ساۋ ادام، جىنىسى مەن كاسىبىنە قاراماستان، دونور بولا الادى. ءاربىر دونور قان تاپسىرماس بۇرىن مەديتسينالىق تەكسەرۋدەن وتەدى. قان تاپسىرعاننان كەيىن دە، كوپ جىلدار وتسە دە دونورلارعا جۇرگىزىلگەن ساۋالنامالار ولاردىڭ دەنساۋلىقتارىندا ەشقانداي اۋىتقۋلاردى انىقتاعان جوق. دونور قان تاپسىراتىنىڭ الدىندا دۇرىس تاماقتانۋ جانە سۇيىقتىقتى كوپ ءىشۋ كەرەك. بۇل كۇنى مايلى، تۇزدى، قۋىرىلعان، اشى، ىستالعان، سونداي- اق ءسۇت ونىمدەرى مەن جۇمىرتقا جەمەگەندەرى ابزال. ءتاتتى شاي، دجەم، نان، پىسىرىلگەن جارما، ماكارون، شىرىندار، مينەرالدى سۋ، كوكونىستەر، جەمىستەر جەگەن پايدالى. سونىمەن قاتار، ىشىمدىك جانە قۇرامىندا اسپيرين مەن انالگەتيكتەر بار ءدارى- دارمەكتەردى ىشۋگە بولمايدى. قان تاپسىراتىن كۇنى تاڭعى اس ءىشۋ كەرەك. قان تاپسىراردان ءبىر ساعات بۇرىن تەمەكى شەگۋدەن باس تارتقان ابزال»، - دەپ اتاپ ءوتتى قان ورتالىعىنداعىلار.


سوڭعى جاڭالىقتار