قىتايدىڭ س ءى م باسشىسى ق ر پرەزيدەنتىنىڭ بيولوگيالىق قاۋىپسىزدىك بويىنشا باستاماسىن قولدادى
ق ر سىرتقى ىستەر مينيسترلىگىنەن ءمالىم ەتكەندەي، ءىس- شارادا بەينەبايلانىس ارقىلى مالىمدەمە جاساعان قىتايدىڭ س ءى م باسشىسى قارۋسىزدانۋ جانە تاراتپاۋ سالاسىنداعى ماسەلەلەرگە قاتىستى بەيجىڭنىڭ ۇستانىمىمەن تانىستىردى.
«بيولوگيالىق قارۋعا تىيىم سالۋ تۋرالى كونۆەنسيانى ورىنداۋعا بايلانىستى ۋاڭ ي ب ۇ ۇ قاۋىپسىزدىك كەڭەسىنە ەسەپ بەرەتىن بيولوگيالىق قاۋىپسىزدىك بويىنشا حالىقارالىق اگەنتتىك قۇرۋ تۋرالى قازاقستان پرەزيدەنتىنىڭ ۇسىنىسىنا جوعارى باعا بەردى. پىكىر الماسۋ بارىسىندا قازاقستاننىڭ جەنيەۆاداعى ب ۇ ۇ بولىمشەسى جانىنداعى تۇراقتى وكىلى جانار ايتجانوۆا قىتاي تاراپىنا قازاقستاندىق باستاماعا قولداۋ بىلدىرگەنى ءۇشىن ريزاشىلىق ءبىلدىرىپ، بۇگىنگى جاعدايدا ونىڭ ەرەكشە وزەكتى ەكەنىن اتاپ ءوتتى. ونىڭ ايتۋىنشا، اتالعان باستاماعا قاتىستى تۇجىرىمدامالىق حات مۇشە مەملەكەتتەردىڭ ديپلوماتيالىق ميسسيالارى اراسىندا تاراتىلعانىن حابارلاپ، ونى مۇددەلى دەلەگاتسيالارمەن ەگجەي- تەگجەيلى تالقىلاۋعا دايىن ەكەندىگىن اتاپ ءوتتى»، - دەلىنگەن سىرتقى ساياسات ۆەدومستۆوسىنىڭ مالىمەتىندە.
