مەملەكەت باسشىسى موڭعوليانىڭ جاڭادان سايلانعان پرەزيدەنتىنە قۇتتىقتاۋ جەدەلحاتىن جولدادى
ءسىزدى موڭعوليانىڭ پرەزيدەنتى لاۋازىمىنا سايلانۋىڭىزبەن قازاقستان حالقىنىڭ جانە جەكە ءوزىمنىڭ اتىمنان شىن جۇرەكتەن قۇتتىقتايمىن! سايلاۋداعى ايقىن جەڭىسىڭىز مەملەكەتىڭىزدىڭ دامۋىنا قوسقان مول ۇلەسىڭىز بەن قاجىرلى ەڭبەگىڭىزدىڭ ناتيجەسى جانە موڭعول حالقىنىڭ وزىڭىزگە ارتقان ۇلكەن سەنىمى دەپ بىلەمىن. وسى رەتتە، ەلىڭىزدىڭ بولاشاعىن جارقىن، مەرەيىن ۇستەم ەتۋگە باعىتتالعان باستامالارىڭىز بەن جوسپارلارىڭىزدىڭ ءاردايىم ءساتتى جۇزەگە اساتىنىنا كامىل سەنەمىن.
قازاقستان مەن موڭعوليا اراسىنداعى ءوزارا قۇرمەت پەن جان- جاقتى ىنتىماقتاستىققا نەگىزدەلگەن ءداستۇرلى قاتىناستاردىڭ ءورسى كەڭەيگەنىن ەرەكشە اتاپ وتەمىن. حالىقتارىمىزدىڭ يگىلىگى ءۇشىن ەكىجاقتى جانە كوپجاقتى فورماتتارداعى ارىپتەستىگىمىزدى دامىتۋدا سىزبەن بىرگە كۇش- جىگەر جۇمساۋعا دايىن ەكەنىمدى ناقتىلايمىن، - دەلىنگەن جەدەلحاتتا.
قاسىم- جومارت توقايەۆ ۋحنااگيين حۋرەلسۋحتىڭ اسا جاۋاپتى قىزمەتىنە تولاعاي تابىس، وتباسىنا باياندى باقىت تىلەپ، دوستاس موڭعول حالقىنىڭ ءوسىپ- وركەندەي بەرۋىنە تىلەكتەستىك ءبىلدىردى.