+7 (701) 759 90 19
16 °С : نۇر-سۇلتان
°С : الماتى
USD 424.99 EUR 504.21
RUB 5.81 CNY 65.66
جاڭالىقتار

باتىس قازاقستاندا ينفەكسيالىق ستاتسيوناردا جاتقاندار سانى كوبەيىپ وتىر

11 ماۋسىم 19:33
:ءبولىسۋ
باتىس قازاقستاندا ينفەكسيالىق ستاتسيوناردا جاتقاندار سانى كوبەيىپ وتىر

ورال. قازاقپارات - باتىس قازاقستان وبلىسىندا ينفەكتسيالىق ستاتسيوناردا جاتقاندار سانى كوبەيىپ كەتىپ وتىر، دەپ حابارلايدى قازاقپارات ءتىلشىسى.

ب ق و دەنساۋلىق ساقتاۋ باسقارماسى ءمالىم ەتكەنىندەي، كەشە 1123 توسەكتىك 18 ينفەكتسيالىق اۋرۋحانادا 405 ناۋقاس جاتسا، بۇگىن ولاردىڭ سانى 439 عا جەتتى. سونىڭ باسىم كوپشىلىگى (353 ءى) ورال قالاسىنداعى 600 توسەكتىك 5 ستاتسيوناردا ەم قابىلداپ جاتىر.

28 ناۋقاس جانساقتاۋ بولىمىندە ەمدەلۋدە. كەشە كوروناۆيرۋستان قايتقاندار 350 بولسا، بۇگىن ولاردىڭ سانى 352 گە جەتتى. باسقارما مالىمەتىنە قاراعاندا، سوڭعى اپتادا الدىڭعىمەن سالىستىرعاندا، ىندەت جۇقتىرعاندار 7,8 پايىزعا (47 ناۋقاسقا) تومەندەدى. جىل باسىنان بەرى 14160 ادام تىركەلسە، سونىڭ 55,7 پايىزى (7895) ورال قالاسى، 14,3 پايىزى (2026) بايتەرەك، 11,1 پايىزى (1581) ءبورلى اۋدانىنىڭ ۇلەسىنە تيەدى.

ىندەت باستالعاننان بەرى وڭىردە اۋىرعان 23381 ناۋقاستىڭ 18481 ءى جازىلىپ شىقتى. سوڭعى تاۋلىكتە 86 ادامنان كوۆيد تابىلسا، 115 ناۋقاس ەمدەلىپ شىقتى.

وبلىس بويىنشا 75625 ادام كوروناۆيرۋسقا قارسى ۆاكتسينانىڭ ءبىرىنشى، 35843 ءى ەكىنشى كومپونەنتىن قابىلدادى.

«وڭىردە ينفەكتسيالىق اۋرۋحانالارعا تۇسكەن ناۋقاستاردىڭ كوبەيۋى الاڭداتادى. سوندىقتان تۇرعىندارعا كارانتين تالاپتارىن ساقتاۋدى ۇمىتۋعا بولمايدى. سونىمەن قاتار ىندەتكە توسقاۋىل قويۋ ءۇشىن ەكپە الۋ قاجەت»، دەپ حابارلادى ۆەدومستۆودان.

ەسكە سالا كەتەيىك، بۇدان بۇرىن باتىس قازاقستاندا كوروناۆيرۋسپەن ستاتسيوناردا جاتقاندار سانى 400 دەن اسقانىن جازعان ەدىك.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات