كيەۆتە قازاقتار قۇرىلتايى ءوتىپ جاتىر - فوتو

None
None
نۇر- سۇلتان. قازاقپارات - ۋكراينا استاناسى كيەۆ قالاسىندا سول ەلدە تۇراتىن قانداستاردىڭ قۇرىلتايى ءوتىپ جاتىر، دەپ حابارلايدى قازاقپارات وتانداستار قورىنىڭ باسپا ءسوز قىزمەتىنە سىلتەمە جاساپ.

ەل تاۋەلسىزدىگىنىڭ 30 جىلدىعىن مەرەكەلەۋ اياسىندا قازاقستاننىڭ ۋكرايناداعى ەلشىلىگى مەن قازاق دياسپوراسى بىرلەسىپ ۇيىمداستىرعان ۋكراينادا تۇراتىن قازاقتاردىڭ قۇرىلتايى العاش رەت ءوتىپ وتىر.

اتالعان شارادا ق ر ۋكرايناداعى ەلشىسى دارحان قالەتايەۆ قۇتتىقتاۋ ءسوز سويلەپ، اتاجۇرتتىڭ ىستىق سالەمىن جەتكىزدى. سونداي- اق، قۇرىلتاي وتىرىسىنا ۋكراينانىڭ ەتنوساياسي جانە ار- وجدان بوستاندىعى جونىندەگى مەملەكەتتىك قىزمەت ءتوراعاسى ەلەنا بوگدان، گۋميليەۆ اتىنداعى ەۋرازيا ۇلتتىق ۋنيۆەرسيتەتى رەكتورى ەرلان سىدىقوۆ جانە ۋكراينا جوعارعى راداسىنىڭ حالىق دەپۋتاتى، قازاقستانمەن ىنتىماقتاستىق جونىندەگى پارلامەنتارالىق توپتىڭ مۇشەسى، سەرگەي ناگورنياك قاتىستى.

قانداستاردىڭ باسقوسۋ جيىنىنىڭ ەكىنشى بولىگىندە كيەۆ قالاسىنداعى «دوستىق» قازاق مادەني قوعامىنىڭ باسشىسى دانيار ەگامبەرديەۆ، حاركوۆ قالاسىنداعى «بىرلىك» قازاقستاندىق ۇلتتىق ق ب باسشىسى ماككا قاراجانوۆا جانە قازاق دياسپوراسىنىڭ وكىلى رۇستەم جانعوجا شەتتەگى قانداستار اتىنان ءسوز سويلەپ، اتاجۇرتپەن اراداعى رۋحاني، مادەني، ەكونوميكالىق بايلانىستىڭ ارتۋىنا كۇش سالاتىنىن اتاپ ءوتتى.


تاتۋ بەرەكە- بىرلىك ناتيجەسىندە حالقىمىز تالاي بەلەستەردى باعىندىراتىنىنا توقتالدى. ەتنيكالىق ونەر قايراتكەرلەرى قاۋىمداستىعى باسقارماسىنىڭ پرەزيدەنتى، ۋكراينانىڭ ۇلتتىق قوعامداستىقتارى رادا ءتوراعاسىنىڭ ورىنباسارى، ۋكراينانىڭ ەڭبەك سىڭىرگەن ءارتىسى ينەش كدىروۆا ءوز سوزىندە ۋكراين جانە قازاق حالقىنىڭ بەرىك دوستىق قارىم- قاتىناسىنا ريزاشىلىعىن جەتكىزدى.

سونىمەن قاتار، قۇرىلتاي سوڭىندا جاڭا قاۋىمداستىق باسشىسى سايلانىپ، وسىعان دەيىن اتقارىلعان باعدارلاما مەن جوبالارعا قاتىستى ۇسىنىس- پىكىرلەر قورىتىندىلانادى. ودان بولەك، قوعامدىق جۇمىسقا بەلسەنە ارالاسقان قانداستارىمىز ق ر ۋكرايناداعى ەلشىسى مەن «وتانداستار قورى» ك ە ا ق العىس حاتىمەن ماراپاتتالادى.


اۆتور: ءالي يبرايەۆ


سوڭعى جاڭالىقتار