قازاقستانعا قونىس اۋدارۋعا بەل بۋعان قانداستار ءۇشىن جاڭا سايت ىسكە قوسىلدى
قوردىڭ باسپاءسوز قىزمەتىنىڭ مالىمەتىنشە، ءىس- شارا بارىسىندا شەتەلدەگى قازاق قاۋىمداستىعىنا جاڭا اشىلعان سايت جان- جاقتى تانىستىرىلعان.
Erulik.kz دەگەنىمىز - وتانىنا قونىس اۋدارۋعا بەل بۋعان قانداستارعا ارنالعان ۆەب- پلاتفورما.
«سايتتىڭ باستى ماقساتى - قازاقستانعا كوشىپ كەلۋگە شەشىم قابىلداعان قانداستارعا باسىمدىققا يە 5 وبلىستىڭ (اقمولا، پاۆلودار، قوستاناي، سولتۇستىك جانە شىعىس قازاقستان وبلىستارى) الەۋمەتتىك- ەكونوميكالىق دامۋ دەڭگەيىمەن تانىستىرۋ جانە قونىس اۋدارۋعا قولايلى ەلدى مەكەندەردى تاڭداۋعا مۇمكىندىك ۇسىنۋ»، دەلىنگەن حابارلامادا.
اقپارات جانە قوعامدىق دامۋ مينيسترلىگىنىڭ تاپسىرماسىمەن ازىرلەنگەن ۆەب- پلاتفورما ارقىلى قازاقستانعا قونىس اۋدارۋدى جوسپارلاعان كەز كەلگەن قانداسىمىزعا ورنالاسقىسى كەلەتىن ەلدى مەكەنگە قاتىستى 21 كورسەتكىش بويىنشا جان- جاقتى اقپارات بەرىلەدى.
اتاپ ايتقاندا، سايتتا ەلدى مەكەندەردەگى بوس تۇرعىن- جايلار، ينفراقۇرىلىم، الەۋمەتتىك مەكەمەلەر، ەكونوميكالىق الەۋەت تۋرالى تولىققاندى اقپارات بار، سونداي- اق ايماققا فوتو شولۋ جەرگىلىكتى اتقارۋشى ورگاندارمەن بىرلەسە ۇسىنىلادى. سونىمەن قاتار، كوشىپ كەلگەن ساتتەن باستاپ كوشى- قون ۇردىسىندە تالاپ ەتىلەتىن قۇجاتتار، بەيىمدەۋ، بالالاردى بالاباقشاعا، مەكتەپكە ورنالاستىرۋ، مەديتسينالىق قىزمەتتەردى الۋ، ءتىپتى كاسىپكەرلىك باستاۋدىڭ وڭتايلى تەتىكتەرى بويىنشا اقپارات بەرىلەدى.