ءبىلىم ۇيىمدارىنا تەرروريزمگە قارسى قورعانىستا قويىلاتىن جاڭا تالاپتار بەكىتىلدى

بۇل تۋرالى ق ر ب ع م مەكتەپكە دەيىنگى جانە ورتا ءبىلىم كوميتەتىنىڭ ءتورايىمى مايرا مەلدەبەكوۆا ايتتى، دەپ حابارلايدى قازاقپارات ءتىلشىسى.

«ق ر ۇكىمەتىنىڭ 2021 -جىلعى 6-مامىرداعى قاۋلىسىمەن نىسانداردى تەرروريزمگە قارسى قورعانىسقا قويىلاتىن جاڭا تالاپتار بەكىتىلدى. بۇل تالاپتار كەشە كۇشىنە ەندى. ءاربىر ءبىلىم بەرۋ ۇيىمىنا قويىلاتىن ەكى تالاپ بار: نەگىزگى جانە قوسىمشا. ءاربىر ءبىلىم بەرۋ ۇيىمى وسى قاۋلىدا كورسەتىلگەن نەگىزگى تالاپتاردى ورىندالۋىن قامتاماسىز ەتۋى ءتيىس. نەگىزگى تالاپقا بەينەباقىلاۋ جۇيەسى، دىبىستىق حابارلاندىرۋ جۇيەسى، دابىل بەرۋ تۇيمەسىنىڭ بولۋى كىرەدى. قوسىمشا تالاپقا تەحنيكالىق تەكسەرۋ قۇرالدارى، باقىلاۋ جۇيەسى، كۇزەت دابىلىنىڭ بولۋى جاتادى»، - دەدى مايرا مەلدەبەكوۆا مينيسترلىكتىڭ اپپارات جينالىسىندا.

ونىڭ اتاپ وتۋىنشە، تەرروريزمگە قارسى قورعانىستى ۇيىمداستىرۋ نۇسقاۋلىعى دا اتالعان قاۋلىدا كورسەتىلگەن. ولارعا رۇقسات ارقىلى وتكىزۋ رەجيمىن، تەرروريستىك سيپاتتاعى كورىنىستەرگە قارسى ءىس- قيمىلداردى ۇيىمداستىرۋ، تەرروريزمگە قارسى قورعانىس پاسپورتىن ازىرلەۋ، نىسانداردى تەحنيكالىق جابدىقتاۋ كىرەدى.

«بەينەباقىلاۋ جۇيەسىمەن جابدىقتاۋ ستاندارتتارى مەن تالاپتارى ءبىلىم جانە عىلىم مينيسترلىگى مەن ىشكى ىستەر مينيسترلىگىنىڭ بىرلەسكەن بۇيرىعىمەن بەكىتىلگەن. نەگىزگى تالاپتار: ءاربىر بەينەباقىلاۋدىڭ ءبىر جانە ودان كوبىرەك جازۋ رەجيمىنىڭ بولۋى، مۇراعاتتان جويۋ جانە وزگەرتۋدەن قورعالۋى، بەينەجازبانى ناقتى ۋاقىت رەجيمدە بەرىپ وتىرۋ مۇمكىندىگى، بەينەنى ءبىر ۋاقىتتا بىرنەشە كامەرادا مۇراعاتتان قاراۋ مۇمكىندىگىنىڭ بولۋى، ەلەكتر ەنەرگياسى سونگەن جاعدايدا دا كامەرالارىنىڭ ۇزدىك جۇمىس ىستەۋى»، - دەدى ول.

اۆتور: مارلان جيەمباي