ق ر پرەزيدەنتىنىڭ توراعالىعىمەن جوعارى ەۋرازيالىق ەكونوميكالىق كەڭەستىڭ وتىرىسى وتەدى
بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي جەلىدەگى پاراقشاسىندا جازدى، دەپ حابارلايدى قازاقپارات.
جيىنعا جوعارى ەۋرازيالىق ەكونوميكالىق كەڭەستىڭ قۇرمەتتى ءتوراعاسى، قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆ، رەسەي فەدەراتسياسىنىڭ پرەزيدەنتى ۆلاديمير پۋتين، بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو، قىرعىز رەسپۋبليكاسىنىڭ پرەزيدەنتى سادىر جاپاروۆ، ارمەنيا رەسپۋبليكاسى پرەمەر-ءمينيسترىنىڭ مىندەتىن اتقارۋشى نيكول پاشينيان، ەۋرازيالىق ەكونوميكالىق كوميسسيا القاسىنىڭ ءتوراعاسى ميحايل مياسنيكوۆيچ قاتىسادى.
سونىمەن قاتار وتىرىسقا كۋبا رەسپۋبليكاسىنىڭ پرەزيدەنتى ميگەل دياس- كانەل جانە وزبەكستان رەسپۋبليكاسىنىڭ پرەزيدەنتى شاۆكات ميرزيەيەۆ جوعارى ەۋرازيالىق ەكونوميكالىق كەڭەس جانىنداعى باقىلاۋشى- مەملەكەت باسشىلارى رەتىندە قاتىسادى دەپ جوسپارلانۋدا.
ونلاين رەجيمدە وتەتىن جوعارى ەۋرازيالىق ەكونوميكالىق كەڭەس وتىرىسىندا ەۋرازيالىق ەكونوميكالىق وداق اياسىنداعى ىنتىماقتاستىقتىڭ ماڭىزدى ماسەلەلەرى تالقىلانىپ، ورتامەرزىمدى پەرسپەكتيۆاداعى مىندەتتەر قاراستىرىلادى. داعدارىستان كەيىنگى كەزەڭدەگى ينتەگراتسيالىق ىقپالداستىققا جانە وداقتىڭ ىشكى نارىعىنداعى كەدەرگىلەردى رەتتەۋگە باسا ءمان بەرىلەدى.